Carnotaire
De Biquipedia
Un carnotaire, carroñaire u carroñador ye, en ecolochía, un organismo que s'alimenta e consume altras formas de bida cuan istas ya son muertas. A parola carnotaire bién d'a carnota.
Es carnotaires son utils ta es ecosistemas perque en alimentar-se, fan limpio o medio ambient d'es calabres e d'a materia organica. As restas que istes deixan son dimpués aprofeitatas per es descomponedors. Per un regular, a parola carnotaire s'emprega ta desinnar aqueras espezies que s'alimentan primerament d'o calabre, e sobre tot, de grans piezas d'iste, á mientres que es descomponedors se considera que fan-lo á nibel microscopico.
Bels ixemplos d'animals carnotaires son as ienas, es langardachos, es bultres, belas espezies d'escarabatos, as moscas e altros animals.
