Chentilizio
De Biquipedia
Os chentilizios son os nombres que denotan as presonas y os ochetos en relazión con os suyo puesto de prozedenzia (país, rechión, comarca, ziudá, lugar...). Gosan tener balor tanto d'alchetibo como de sustantibo.
A formazión d'o chentilizio puede estar regular u irregular. Os chentilizios regulars se fan adibiendo á lo nombre d'o puesto un sufijo como -és (aragonés, polonés, benasqués, chaqués), -ense (biesquense, ayerbense, borabense), -no (zaragozano, fobano), -uto (panticuto, sallenuto), -ero (canfranero, santacruzero). Tamién bi ha chentilizios irregulars como cheso u atros que bienen de l'antigo nombre d'o lugar como bilbilitano.
Si no esiste o chentilizio se fa con a preposizión "de" y o nombre d'o puesto, por exemplo una muller de Liechtenstein.
