Cheografía d'Alcheria

De Biquipedia

A mayor parti de l'aria costera d'Alcheria ye feriosa, e bi ha poquez güens puertos. L'aria inmediatamén á o sur de a costa, conoxita como o Tell, ye fértil. Més enta o sur se sitúan os mons Atlas e o desierto de o Sajara. Archel, Orán e Constantina son as prinzipals zidaz.

O clima d'Alcheria ye arido e calido, encara que o clima de a costa siga suau, e os ibiernos en as arias montañosas puedan estar rigurosos.

• Localizazión: Norte d'Africa, entre Marruecos e Tunizia, con litoral en o mar Mediterranio.

• Coordenatas cheograficas: 28º00'N, 3º00'E

• Aria total: 2.381.740 km² (segundo país més gran d'Africa dimpués de Sudán)

• Mugas: 6.343 km (998 km de costa, 1.559 km con Marruecos, 1.376 con Mali, 982 km con Libia, 965 km con Tunizia, 956 km con Nícher, 463 km con Mauritania e 42 km con o Sajara Ozidental.

• Clima: Arido e semiarido; ibiernos suaus e umidos con estius calidos e xutos en as zonas costeras, més xuto con ibiernos fredos e estius calidos en a meseta; o siroco ye un aire calién cargato d'espuña e polbeguera que ye espezialmén común en o estiu.

• Relieu: A mayor parti de o relieu ye formata per una meseta elebata e desierto; bellas montañas; una planura costera estreita e discontina.

• Estrimeras d'elebazión: Més baxo: Chott Melrhir: -40 m, més altero: Tahat 3.003 m.

• Recursos naturals: Petrolio, gas natural, minería de fierro, fosfato, uranio, plomo e zinc.

• Uso de a tierra: Tierra arable -3,22%, cautibo permanén -0,25%, atros -96,53%

• Tierra regata: 5.600 km2 en l'añada de 1998

• Periglos naturals: Zonas montañosas suchetas a sismos sebers; eslisamientos de tierra e garona en a estazión de as plebias.

• Problema meyoambientals autuals: A peladura de os sulers debito á sopreespleitazión e atras prauticas agricolas defiziens; repuis d'alcanduz no trautatos, de repuis de l'arrefinamiento de petrolio e d'atros batitos industrials ye lebando ta a poluzión de os ríos e de as zonas costeras; o mar Mediterranio, en particular, ye rezibindo contaminazión probenién de repuis petrolifers, peladura de os sulers e arrozegue de fertilizans; furnidura inadecuata de augua potable.

• Alcuerdos internazionals sopre meyo ambién: Ye parti de: Biodibersidat, Camios Climaticos, Desertificazión, Espezies Menazatas, Modificazión Ambiental, Repuis Periglosos, Lai de o Mar, Proteuzión de a Napa d'Ozón, Contaminazión Probocata per Naus, Zonas Umidas.