Evo Morales
De Biquipedia
 |
|
| Orden: | 84º President |
| Durazión d'o mandato: | 22 de chinero de 2006 - autualidat |
| Predezesor: | Eduardo Rodríguez Veltzé |
| Suzesor: | - |
| Calendata de naxenzia: | 26 d'otubre de 1959 |
| Puesto de naxenzia: | Orinoca, Bolibia |
| Partito politico: | Mobimiento enta o Sozialismo |
Juan Evo Morales Aima (Orinoca, Oruro, 26 d'otubre de 1959) ye un politico bolibiano; representant por muitas añadas d'o seutor agrario d'o país, en espezial d'os cocalers, fue esleito deputato t'o Congreso en 1997, enzetando una rapeda carrera politica. En 2002 otenió o segundo puesto en as eslezions presidenzials por una escasa marguin y trunfó en as esleziones de 2005 (domingo 18 d'abiento), estando o primer President d'a Republica esleito en a primera tongada d'as eslezions en más de 30 añadas. Asumió o poder o 22 de chinero de 2006.
D'orichen amerindio, d'a etnia aymará, Morales ye o representant d'o seutor agrario d'a rechión d'o Chapare bolibiano y dirichent d'o Mobimiento enta o Sozialismo (español: Movimiento al Socialismo) (MAS). Ye, chunto a Felipe Quispe, uno d'os indichenas más famosos d'a istoria rezient de Bolibia.
