Incheniería
De Biquipedia
A incheniería se define como a profesión en a cuala os conoximientos d'as matematicas y as zenzias naturals otenitos a trabiés d'o estudio, a esperenzia y a prautica, son aplicatos con criterio y con conzenzia á lo desembolique de medios ta emplegar economicamén con responsabilidá sozial y alazetatos en una etica profesional, os materials y as fuerzas d'a naturaleza ta esquimén d'a umanidá. As presonas que s'adedican á era se claman incheniers.
O incheniero debe identificar y replecar os problemas más impotáns ta poder reyalizar un güen diseño. Bels d'os problemas son os recursos disponibles, as mugas fesicas u teunicas, a flesibilidá ta esdebenideras modificazions y adibiduras, y atros fautors como lo coste, a posibilidá de lebar-lo á cabo, as prestazions y os miramientos esteticos y comercials. Por meyo d'a repleca d'os problemas, os incheniers deduzen cualas son as millors soluzions ta concarar as mugas trobatas cuan se tien que produzir y emplegar un arreparo u sistema.
Os incheniers emplegan o conoximiento d'a zenzia y as matematicas y a esperenzia apropiata ta trobar as millores soluzions á los problemas concretos. Creyando os modelos matematicos apropiatos d'os problemas que lis premiten analizar-los rigurosamén y prebar as soluzions potenzials. Si esisten moltiples soluzions razonables, os incheniers abaloran as diferéns ozions de diseño sobre l'alazet d'as suyas cualidás y eslixen a soluzión que millor s'adauta á las nezesidaz.
En cheneral, os incheniers intentan prebar si os suyos diseños logran os suyos ochetibos antis de prozeder á la produzión en cadena. Ta isto, emplegan entre atras cosas: prototipos, modelos á escala, simulazions y prebatinas de fuerza. As prebatinas refincan que los artefautos funzionan como s'eba prebisto.
Ta fer diseños estandar y fazils, os ordenadors tienen un paper importán. Emplegando los programas de diseño asistito por ordenador (DAO, más conoxito por CAD - Computer Assisted Design-), os incheniers pueden otener más informazión sobre os suyos diseños. L'ordenador puede traduzir automaticamén bels modelos en instruzions aptas ta fabricar un diseño. L'ordenador tamién premite un remplego mayor de diseños desembolicatos anteriormén amostrando-li á lo incheniero una biblioteca de partis predefinidas ta estar emplegatas en os suyos propios diseños .
Os incheniers se prenen mui en serio a suya responsabilidá profesional ta produzir diseños que se desembolicarán como yera prebisto y no causarán un daño inasperato á la chen en cheneral. D'ordinario, os incheniers encluyen un fautor de seguranza en os suyos diseños ta reduzir o risque de fallos inasperatos.
A parabra biene d'o latín ingeniosus. Por lo tanto, un incheniero ye una presona intelixén y prautica que resuelbe problemas. O termín eboluzionó más adebán ta encluyir todas as arias en as que s'emplegan teunicas ta aplicar o metodo zentifico. En atras luengas como l'arabe, a parabra incheniería tamién senifica cheometría.
A zenzia intenta esplicar os fenomens reziens y sin d'esplicazión, creyando modelos matematicos que se corresponden con os resultaus esperimentals. Teunolochía e incheniería son l'aplicazión d'o conoximiento otenito a trabiés d'a zenzia y produzen resultatos prauticos. Os zentificos treballan con a zenzia y os incheniers con a teunolochía. Sin dembargo, puede aber puntos de contauto entre a zenzia y a incheniería. No ye raro que os zentificos se beigan embrecatos en as aplicazions prauticas d'os suyos descubrimientos. Por o contrario, mientres o enanto de desembolicar teunolochía, os incheniers se troban á begatas esplorando nuebos fenomens.
Tamién puede aber coneusions entre o funzionamiento d'os incheniers y os artistas, sobre tot en os campos de l'arquiteutura y d'o diseño industrial.
Contenius |
[editar] A incheniería y a umanidá
Á prenzipios d'o sieglo XXI a incheniería en os suyos mui dibersos campos ha lograto esplorar os planetas d'o sistema solar con alto grau de detalle, destacan os esploradors que se fican dic'a superfizie planetaria; tamién ha creyato un ordinador capable de redotar á lo campión mundial de axedrez; ha lograto comunicar á lo planeta en truesas de segundo; ha chenerato internet y a capazidá de que una presona s'enchege á ista rete dende cualsiquier puesto d'a superfizie d'o planeta con una computadora portiable y un telefón satelital; ha apoyato y permitito inlumerables abanzes d'a zenzia merica, astronomica, quimica y en cheneral de cualsiquier atra. Grazias á la incheniería s'han creyato maquinas automaticas y semiautomaticas capables de produzir con mui poca aduya umana grans cantidaz de produtos como alimentos ,autos y telefons zelulars.
Anque a incheniería ha puesto fer reyalidá todas istas marabillas, a umanidá no ha lograto redotar o fambre d'o planeta, ni muito menos a pobreza, abendo a l'añada 2005 una muerte d'un nino cada tres segundos por causas aprebenibles. Sin dembargo este no ye un problema d'a incheniería sino que más bien ye de mena sozial, politica y economica.
Un aspeuto negatibo que ha chenerato a incheniería y compete en gran parti resolber á la mesma ye o daño á lo meyo ambién que muitos enantos y produtos bafatos de istas disziplinas han chenerato y ye deber y buxada d'a incheniería contrebuyir a resolber o problema.
[editar] Campos d'a incheniería
[editar] D'o mar
- Ingeniería acuicola
- Ingeniería oceánica
- Incheniería nabal
- Idrodinamica
[editar] Zenzias d'a Tierra
- Incheniería cheoteunica
[editar] De l'aire y o espazio
-
- Incheniería aeronautica
- Incheniería aeroespazial
- Astronautica
[editar] Almenistratibas y diseño
- Incheniería almenistratiba
- Incheniería industrial
- Incheniería d'organizazión industrial
- Incheniería lochistica
- Incheniería d'a seguranza
- Incheniería d'a arquiteutura
[editar] Deribatas d'a fesica y quimica
- Incheniería fesica
- Incheniería nuleyar
- Incheniería acustica
- Incheniería mecatronica
- Incheniería de control
- Incheniería eletrica
- Incheniería eleutronica
- Incheniería mecanica
- Incheniería zebil
- Incheniería d'os materials
- Incheniería estrutural
- Incheniería quimica
[editar] Deribatas d'as zenzias biolochicas y a merezina
- Incheniería biolochica
- Incheniería genetica
- Incheniería merica
- Incheniería de Texius
[editar] De l'agricultura y meyo ambién
- Incheniería agroforestal
- Incheniería agricola
- Incheniería forestal
- Incheniería d'alimentos
- Incheniería ambiental
- Ingeniería de mons
[editar] Por ocheto d'aplicazión
- Incheniería automotriz
- Incheniería d'o paper
- Incheniería d'o petrolio
- Incheniería d' os repuis
- Inchenieria d'o tresporte
- Incheniería de minas
- Incheniería minera
- Incheniería melitar
[editar] D'a informazión
- Incheniería informatica
- Incheniería de sistemas
- Incheniería de software
- Teunolochía d'a informazión
[editar] Nobedosas
- Nanoincheniería
- Retroincheniería
[editar] Beyer tamién
- Mantenibilidá
