José Iranzo Bielsa
De Biquipedia
- Iste articlo ye sobre El pastor d'Andorra. Se beiga José Iranzo ta o merico zaragozano.
José Iranzo Bielsa u más conoxito como El pastor de Andorra (en aragonés O pastor d'Andorra) ye un d'os más famosos cantaires de jota. Naxito d'Andorra (Tergüel) o 20 d'otubre de 1915, ya yera pastor cuan teneba nomás que güeito añadas.
A penar d'estar un d'os millors cantaires d'a istoria d'a jota, O pastor d'Andorra ye autodidauta, anque rezibió tamién belas clases d'a conoxita Pascuala Perié.
Mientres d'os suyos años de cantaire ha recorrito muitos pueblos d'Aragón e d'atros países d'Europa e America, autuando encluso ta o rei Hassan II de Marruecos entre atras personalidaz.
Ha rezibito tamién asabelos premios e omenaches como lo primer premio d'o Zertamen Ofizial de Jota de 1943 e o premio estraordinario de 1974, a Medalla á lo Merito Cultural d'o Gubierno d'Aragón en 1992, Medalla d'as Corz d'Aragón en 1997, a Cruz de San Chorche en 1999 e a distinzión de Millor aragonés d'ixa mesma añada, e profés a medalla d'oro d'a billa d'Andorra.
Tamién ha feito zine, aparixiendo en 1984 en a zinta "Requiem por un campesino español" e en 1989 chunto con o Baluarte aragonés en "Aragón canta y baila al mundo".
