La Estrella

De Biquipedia

La Estrella
{{{imachen}}}
Comunidat autonoma	Aragón
Probinzia	Tergüel
Redolada	Comunidat de Tergüel
Codigo postal
Monezipio	Mosqueruela
Superfizie	km²
Altaria	m.
Distanzia	km enta [[]]
Poblazión	2 ab.
{{{situazión}}}

La Estrella ye un bico rural pertenexién á lo termin de Mosqueruela (Tergüel) con dos abitadors.

[editar] Istoria

En lo sieglo XIV, dimpues que los de Mosqueruela conquerisen lo Castiello del Mallo e lo desfesen, pobloron un chicot billar á la marguin cucha de lo río Mont León, parix estar que pa cautibar la biña.

Bi ha una fuent con istoria que se clama Fuente de la Virgen. En 1638 seguntes se diz, prenzipió á manar augua d'una fuent en meyo d'una epoca de sequera, ausiliando á los abitadors d'esta aldeya y á los romeyos. Talment por ixo en lo sieglo XVII crexió lo culto marián. En 1720 se recostruye un santuario dedicato á la birchen.

[editar] Curiosidaz

Podió corresponder con lo despoblato de Bidar, porque i eba un camín reyal u vereda de mar a mar ya en 1328, camín emplegato por bestiars trasumans que iban dende Mosqueruela ta Castellón camín que pasaba por lo Plan de Bistabella e cruzaba lo río Mont León por un puent no guaire luent de la Estrella, (Puente de las Maravillas), pero en la cuarta de los Carrascals.

[editar] Nome

La primera denominazión en los documentos ofizials yera Villar de las Viñas, asinas se bei en bels testamentos (quiñones de viña en el Villar de las Viñas). La primera referenzia documental con lo nome de La Estrella ye de 1466.

En Mosqueruela la claman coloquialment La Billeta (que en aragonés meyebal tergüelano sennificaba La Aldeya), en oposizión á la Billa, referita á lo nuclio prenzipal de Mosqueruela.

[editar] Molimentos

Santuario de la Estrella, de lo sieglo XVIII.
Castiello de Mallo.

[editar] Fiestas

Romería de mayo, que enantes yera lo primer domingo de mayo e agora la han cambeyato ta lo zaguero. Los de Mosqueruela ban ta lo santuario de La Estrella.
Romería de San Martín, nobiembre. Yeran consideratas las fiestas patronals de la Billeta, e como ya cuasi no bi ha chent no se zelebra. La fiesta yera compartita con los de la Billa. Bi eba un carauter de zelebrazión agricola: la fin de la bendema.