Labitolosa
De Biquipedia
Labitolosa estió un monezipio román situato á man de l'autual Puebla de Castro (baxa Ribagorza, Uesca) abitato dende o sieglo I aC dica prinzipios d'o sieglo III.
No fegura en garra fuent literaria clasica, pero que se conoxe por estudeos arquiolochicos y ha proporzionato interesans repuis e iscripzions.
Labitolosa plegó ta l'estatus monezipal en epoca flabia, de cuan data a monumentalizazión d'o suyo zentro publico, on s'ha trobato l'edifizio dedicato á lo chenio monezipal que s'emplegó como Curia.
Unos pedestals desenterratos d'un edifizio publico amuestran como chans importans d'a bida monezipal á un tal Marco Clodio Flaco caballer román d'a epoca d'o emperador Adrián que sirbió como ofizial en Moesia Superior (Kosobo y Serbia oriental autuals), y a Cornelia Neila.
O nome de Cornelia Neila y un presonache á man d'ella, Lucio Emilio Attaeso son interpretatos como d'orichen basco-aquitán, contrastando con as iscripzions de Calbera d'onomastica ibera.
