Laco d'Artosta

De Biquipedia

Laco d'Artosta
Almenistrazión
País	Biarn
Estato	Franzia
Probinzia	{{{probinzia}}}
Redolada	{{{redolada}}}
Monezipio	{{{monezipio}}}
Cheografía
Tipo	natural entibato
Orichen	glaziar
Superfizie	km²
Altaria	1.997 m
Longaria	{{{longaria}}} km
Amplaria	{{{amplaria}}} km
Fondura	m
Bolumen	hm³
Fuent
Desagüe	{{{desagüe}}}

O laco d'Artosta (en franzés lac d'Artouste) ye un ibón, laco d'orichen glaziar, d'a bal d'Osal en o Biarn. Ye situato á 1.997 m d'altaria e reculle l'augua de l'arrigachuelo d'Arrémoulit (probenient d'o lacos d'Arrémoulit), un arrigachuelo que baxa por una d'as bersants d'o pico d'o laco d'Arrious e d'os lacos de Batboucou. Ye rodiato por 3 d'os suyos 4 cantos por o Parque Nazional d'os Perinés.

O laco natural (altaria inizial 1.922 m) ha estato entibato por una presa de 27 m dende 1929 ta alimentar a zentral idroeletrica d'Artosta en a Bal d'Osal. A presa estió enamplata en 1962 (à la cota 1990,20) ta aumentar a capazidat d'almadazenamiento e a cantidat d'eletrizidat produzita por a zentral idroeletrica de Pont de Camps situata denzima o entibo de Fabregas. Por atra parti o laco d'Artosta ye coneutato con o laco de Migoëlou por una galería de 800m autualment reendrezata por o puerto d'Artosta ta os lacos de Carnau. Antimás en ibierno lo laco tamién ye alimentato por atros tres situatos en a bal d'Azun á lo piet d'o pico Os Moros (Batbieilh, Batcrabère e Larribet) que normalment serban afluyents d'a gave de Pau.

O laco tamién alimenta una atra zentral soterraña situata baxo a presa con una caíta de 73 m e una potenzia de 2.634 kW.