Nieus Luzía Dueso
De Biquipedia
Nieus Luzía Dueso Lascorz (Plan, 1930) ye una escritora en luenga aragonesa d'a Bal de Chistau (Sobrarbe). Baxa á estudiar Bachillerato enta Balbastro y dimpués marcha enta Uesca ta fer Machisterio en a Escuela Normal. Estió de mayestra tota á suya bida per l'Altoaragón dica que se chubila en 1992. Ye miembro d'o Consello d'a fabla Aragonesa. En 2007 estió nombrata Academica d'Onor por l'Academia de l'Aragonés.
D'a obra poetica de Nieus Luzía Dueso destaca Al canto'l Zinqueta colezión de poemas chistabins, pero o más importante de as suyas obras ye a replega de leyendas populars d'a Bal de Chistau e a suya recreyazión narratiba como Leyendas de l'Alto Aragón, La Fuen de la Siñora e la zaguera obra Dios m'en guarde!.
Nieus estió a ganadora en 1982 d'un Onso d’oro en o Primer Zertamen Literario "Val d'Echo", con a Leyenda del siñó de San Chuan. Tamién ganó o premio "Flor de Nieve de Plata" de Radio Huesca, e finalista en o premio "Altoaragón" d'a Semana Cultural de Balbastro de 1974 con un relato en chistabín. Ha publicato numbrosos articlos en rebistas como Argensola, Luenga e Fablas u Fuellas, rilazionatos más que más con cuentos e leyendas de tradizión oral, pero tamién nobelas curtas. Os suyos primers testos poblicatos en aragonés son de l'añata 1967.
