Opel
De Biquipedia
 |
|
| Establimiento | 1863 |
| Localizazión | Rüsselsheim, Alemaña |
| Enfiladors | {{{enfiladors}}} |
| Industria | Auto |
| Produtos | Auto |
| Reuto | {{{reuto}}} |
| Emplegaus | {{{emplegaus}}} |
| Pachina web | www.Opel.com |
Adam Opel GmbH (asobén conoxita como Opel) ye una interpresa d'autos d'Alemaña. A compañía estió establita o 21 de chinero de 1863 y prenzipió a produzión d'autos en 1899. Opel estió alquirita por General Motors en 1929 y contina estando una interpresa susidiaria. Opel ye a marca más gran de GM en Europa y forma chunto á Vauxhall o nuclio d'a multinazional en Europa.
A compañía estió establita o 21 de chinero de 1863 por Adam Opel, y á lo prenzipio feba prenzipalmén maquinas de cusir. Adam Opel murió en 1895, cuan a suya interpresa yera líder en Europa en produzión de maquinas de cusir y produziba más de 2000 bezicletas añalmén. Fazioron os primers autos en 1898 crompando os dreitos a Lutzmann y bendiendo-los como Opel-Lutzmann. Manimenos dos añadas dimpués dezaga se siñó un nuebo alcuerdo de lizencia con Automobiles Darracq S.A. de Franzia ta manufacturar beíclos baxo lo nombre de "Opel-Darracq". Os beíclos Opel yeran muntatos denzima d'una carrozería Darracq y mobitos por una maquina de 2-zelindros.
Ya en 1906 prenzipioron á fer autos con diseño propio, con os mesmos diseños que eban amostrato en a Feria d'o Motor d'Amburgo en 1902. En 1907 se fazió lo zaguer Opel-Darracq.
En 1911 abió un inzendio y a fabrica se cremó y una atra nueba estió construyita con nuebas maquinas. Dende allora se remató a produzión de maquinas de cusir y se continó fendo bezicletas, autos y motoretas. En 1913 yera o primer fabricán d'autos d'Alemaña.
[editar] Crompa de Opel por General Motors
En marzo de 1929 General Motors crompó lo 80% d'a compañía incrementando a suya alquisizión á lo 100% en 1931. A familia Opel s'embolsó $33.3 millons de dolars en a transauzión.
