País Lionés
De Biquipedia
 (Bandera d'o País Lionés) |
|
 |
|
| O País Lionés en royo |
O País Lionés (País Llionés en lionés) ye, seguntes os rechionalistas y nazionalistas lioneses, o territorio formato por as probinzias españolas de Lión, Zamora y Salamanca on s'estendilla la luenga y cultura lionesa.
Coinzide con o Reino de Lión seguntes estió definito en a dibisión almenistratiba d'España en probinzias y reinos, reyalizata por Javier de Burgos, por meyo d'o Reyal Decreto de 30 de nobiembre de 1833. Manimenos, o reino d'a dibisión almenistratiba de Javier de Burgos no coinzide con o Reino de Lión istorico.
As mugas d'o País Lionés son poco prezisas, ya que os rechionalistas y nazionalistas lioneses asobén as enamplan ta encluyir territorios de proclamata cultura lionesa (prenzipalmén aquers an se i charra o dialeuto lionés de l'asturlionés). Asinas, formarban tamién parti d'o País Lionés a redolada de Valdeorras (Probinzia d'Orense), a Francha d'o Carrión (Palenzia) y os territorios portugueses d'o río Sabor (Miranda de Duero, an se i charra una barián d'o lionés conoxita como mirandés).
