Petrolio
De Biquipedia
O petrolio ye una mezcla complexa no omochenia d'idrocarburs, compuestos formatos por idrocheno e carbono. Son mui diferents entre si, dende amarilliscos e liquidos á negros e bescosos. Istas diferenzies son debitas á las relazions entre os tipos d'idrocarburs. Ye un recurso natural no renobable, e autualment tamién ye a prenzipal fuent d'enerchía en os países desarrollatos.
Os components quimicos d'o petrolio se deseparan e otienen por destilazión por meyo d'un prozeso de refinería. D'ers s'estrayen diferents produtos, entre atros: propán e bután, gasolina, queroseno, gasoil u diesel, fueloil, azeites lubricants, gudrons, carbón de coque, etz.
Ista mezcla d'idrocarburs aparexe cheneralment asoziata á grans bambollas de gas natural, en chazimientos zarratos mientres de miles d'años baxo tierra, cubiertos por os estratos superiors d'a crosta terrestre.
