Pribilechio
De Biquipedia
Pribilechio (Privilegio en grafía SLA e aragonés meyebal) ye etimolochicament lei pribada, u siga, no cheneral, relatiba á una presona concreta. Ye la onor u lo permís pa fer una autibidat garantito por atra persona u gobierno.
Por exemplo, en los libros s'endica á sobent lo dreito d'autor con la espresión latina Cum privilegio. Lo pribilechio no ye un dreito, y en bels casos puet estar rebocato de forma tan arbitraria como s'ha conzedito (por un regular lo rei). Un dreito ye inerent, mientres que un pribilechio ye una conzesión. Manimenos, en la practica lo pribilechio ye perén e s'ereta, mientres que los dreitos los conquerió un pueblo con a luita de diferens mobimientos sozials.
En l'Antigo Rechimen los pribilechios yeran tanto presonals como territorials. En España yeran tamién conoxitos como fueros. La espresión pribilechio s'asoziaba á la libertat, en sentito contrario de tot á l'usato en la soziedat contemporania. Pribilechios e libertaz d'un noble yeran los suyos més preziatos biens, lo que esdebenirá la suya posizión sozial e la suya capazidat de autuar publicament.
Lo conzeto de clase pribilechiata en la soziedat contemporania s'equipara en lo lenguache usual á lo de clase dirichent u clase alta, la que disposa de riqueza e poder politico més grans, como equibalent á la élit. Pero en orichen los estamentos pribilechiatos de la soziedad feudal y de l'Antigo Rechimen yeran un cuerpo sozial definito por lo pribilechio.
[editar] Se beiga tamién
- Pribilechio d'a Unión
- Pribilechio d'os bente
