Río Cabrigüel
De Biquipedia
|
||||
|---|---|---|---|---|
 |
||||
| Longaria | 220 km | |||
| Altaria d'o naxedero | m | |||
| Cabal meyano | 20.92 m³/s | |||
| Superfizie d'a cuenca | 4.754,2 km² | |||
| Naxedero | Muela de San Chuán | |||
| Desembocadura | río Xúcar | |||
| Estatos per an pasa | {{{estatos}}} | |||
| Territorios per on pasa | Tergüel, Cuenca | |||
| Río | ||||
O río Cabrigüel (Cabriel en castellán) ye un río d'a peninsula Iberica, afluent d'o Xúcar. A suya cuenca mide 4754,2 km² o suyo cabal meyo ye de 20,92 m³/s y la suya longaria ye de 220 km.
[editar] Lugars por on pasa
Naxe á lo piet d'a Muela de San Chuan (Sistema Iberico), ofizialment en un parache d'o termin de Bal Longuiello clamato Ojos del Cabriel, sin d'embargo se puet puyar por o cauz ta una zona más alta, on se troba o despoblato de Bal de Cabrigüel.
Pasa por os pueblos de Zafrilla, Marquesado, Alcalá de la Vega (e 2 km entabaxo una auguatuerta pasa arredol l'antigo Castiello de Serriella), Enguídanos, Villatoya, Villargordo de Cabriel y Pajaroncillo, y se chune á lo Xúcar en a localidat de Cofrentes. Os suyos prinzipals afluens son o Guadazaón, o Ojos de Moya y L'Albara.
O cauz d'o río s'ha aprobeitato pa fer a muga entre a probinzia de Cuenca y a probinzia de Balenzia. Tién un entibo, l'entibo de Contreras, on se puet fer piragüismo. A suya orografía ye espectacular, destancando os Cuchiellos y as Fozes de lo Cabrigüel, on se puet fer rafting y piragüismo d'auguas blancas encara que nomás que en o periodo de sueltas de l'entibo de Contreras, dende chunio dica agosto.
[editar] Meyo ambient
En as suyas auguas i ha barbols, truitas arcoiris introduzitas, truitas comuns y loiras.
A mán d'o cauz suyo bi ha un parache natural doble, las Fozes de lo Cabrigüel, que ye parque natural en a parte balenziana y reserba natural en a parte cuencana.
[editar] Nome
Se clamaba Cabrihuel en castellán antigo y asinas s'escribe en testos meyebals d'Albarrazín d'o sieglo XIV; en catalán se diz riu Cabriol. Deduzimos doncas, que o nome orichinal no feba referenzia á las crabas y si que feba referenzia á lo zerbido que en latín se clama CAPREOLUS, y en catalán encara cabirol. O cambeo de sufixo -UEL por -IEL puet estar paralelo con o caso de Rubihuelos-Rubielos en Gúdar-Chabalambre.
