Río Martín
De Biquipedia
|
||||
|---|---|---|---|---|
| {{{imachen}}} | ||||
| Longaria | 98 km | |||
| Altaria d'o naxedero | 1550 m | |||
| Cabal meyano | {{{cabal}}} m³/s | |||
| Superfizie d'a cuenca | 2110 km² | |||
| Naxedero | Sierra de Cucalón | |||
| Desembocadura | río Ebro | |||
| Estatos per an pasa | {{{estatos}}} | |||
| Territorios per on pasa | Aragón | |||
| Río | ||||
O río Martín naixe en o termino de Martín de lo Río, d'a cobaltera d'a Sierra de Cucalón (Tergüel), d'on que tamién en naixen es ríos Segura, Fuenferrada, Rambla e Parras. Anque o naixedor ye prou altero, diz que per o clima xuco d'es territorios que trescruza (montaña mediterrania) no compliega guaire auguas e, de traza parellana ta como fan altros ríos bezíns, como o río Aguas e ra Uerba, fa ro suyo camín enta l'Ebro sin de prodigar-se guaire en o suyo caudal.
As estimazions d'a suya longaria son dos, pendiendo de cual criterio s'empregue ta considerar-la; diz que cuan s'ebalúa o suyo corso prenzipal, a lonchitut ye de 98 Km, mas que si s'aconsideran es trangos anteriors, a baixadera s'enfila dica 115 km.
En o monezipio de Martín de lo Río compliega es cuatro afluyents suyos, d'es cuals en ye l'uno més important o río Segura, naixito de Segura de los Baños, toz ers plegando-be enta un transecto muito ramificato e á on que as aportazions d'altros corsos menors tamién bi son numbrosas. Á més, d'entre es monezipios de Montalbán e Albalat de l'Arzebispe s'estendilla un Parque Cultural adedicato t'a conserbazión e protezión d'a redolada en es aspeutos naturals, cheolochicos e istoricos (aintre d'éste se-bi troban chazimientos preistoricos e poblazions prerromanas) que ye considerato Patrimonio d'a Umanidat de 1998 per mans d'a UNESCO.
En a cuenca d'o río Martín bi ha dos entibos; l'Entibo d'Escuriza regula as auguas de l'afluyent d'este nome, e l'Entibo de Cueba Foradada, que aprobeita a foz que ubre o río Martín en a Sierra de los Moros, entre Alcaine e Oliet, dimpués de a confluyenzia d'o río Radón con o Martín.
[editar] Se beiga tamién
- Parque Cultural d'o Río Martín
