Reino de Mallorca
De Biquipedia
O Reino de Mallorca estió creyato por Chaime I Lo Conqueridor. Dezaga la muerte d'o suyo primoxenito Alifonso, escribió un testamento en 1262 que creyaba o reino ta zeder-le-ne á lo suyo fillo Chaime. Ista disposizión se mantenió mientres os suzesibos testamentos de traza que cuan Chaime I muere en 1276, a Corona d'Aragón pasó á las mans d'o suyo fillo mayor Pietro, dito Pietro lo Gran. O reino de Mallorca pasó a Chaime, que reinarba con o nombre de Chaime II. Iste mesmo testamento tamién deziba que o rei de Mallorca serba basallo d'o rei d'Aragón.
O reino yera formato por as islas Balears: Mallorca, Menorca (encara baxo lo poder d'un rei musulmán anque eba de bosar trebutos dende 1231), Ibiza e Formentera. O rei tamién yera siñor d'os condatos d'o Rosellón e La Cerdaña e Los territorios que Chaime I conserbaba en Oczitania (o siñorío de Montpeller, o bizcondato de Carlades y a baronía d'Omelades).
| Corona d'Aragón |  |
|---|---|
| Aragón | Cataluña | Balenzia | Mallorca | Nápols | Sezilia | Zerdeña | Atenas | Neopatria | Siñorío de Montpeller | |
