Renaximiento
De Biquipedia
Renaximiento ye o nombre dato á l'amplo mobimiento á on se rebilcó a cultura clasica e que se produzió en Europa Oczidental en os sieglos XV e XVI. Os suyos prenzipales esponents se troban en o campo d'as artes anque abió importanzia en a literatura e as zenzias, tanto naturals como umanas.
O nombre Renaximiento s'emplegó porque iste tornó a prener os elementos d'a cultura clasica. O termín prozede d'a obra de Giorgio Vasari Bidas de pintors, escultors e arquiteutos famosos, publicata en 1570, pero dica o sieglo XIX iste conzeuto no tién una ampla interpretazión istorico-artistica.
Manimenos, Vasari eba formulato una idea determinant, o nuebo naximiento de l'arte antigo greco e román, que presuponía una marcata conzenzia istorica indibidual, fenomén completament nuebo en l'autitut espritual de l'artista.
