Ribagorzanismo
De Biquipedia
Os ribagorzanismos son carauters lingüisticos que siguen tendenzias propias de os charrars de a Ribagorza tanto en l'aria catalanofablant como en l'aria aragonesofablant.
Estos carauters, a más de as coinzidenzias de l'aragonés ribagorzano con o catalán, as coinzidenzias de o catalán ribagorzano con l'aragonés y os carauters comuns entre catalán y aragonés dan bella unidat á los charrars de a Ribagorza y fan que a muga entre catalán y aragonés siga progresiba y gradual y difizil de marcar en o mapa.
Rasgos ribagorzanos que no se troban en as formas chenerals de l'aragonés u catalán son:
- Palatalizazión de os grupos consonanticos latins CL-, GL-, BL-, FL- en posición inicial:
- Flló, pllorá
- Palatalizazión de os grupos consonanticos latins -PL-, -SCL-, -NGL- en posizión interior:
- singlla, repllegá
- Formas tu és, el é pa o present d'indicatibo de o berbo ser.
- Tipos lesicos comuns:
A toponimia ribagorzana tién tamién trazas propias:
- A -LL- latina eboluziona ta una -s-, que en a Bal de Castanesa encara se i pronunzia como -s- sonora:
- Castieso < CASTELLU.
- Bisalibons < VILLA LUPONIS.
- As terminazions en -ué u -ui. Bienvenido Mascaray Sin nota que os toponimos en -ués y ós de o Perineu zentral, que en Perineu ozidental son -otz, -oz, -otze en basco se fan mas escasos en a Ribagorza (nomás que Astós, Sos, Dos, Argués y Roperós). Deduze que en a Ribagorza a -s d'esta terminazión se perdió y que a terminazión -ui (que él representa -uí) ye una deribazión de -ué:
- Añués > Anué
- Beranué > Beranui
- Lorué > Ralui
