Robert Whittaker
De Biquipedia
Robert Whittaker (Kansas, EEUU, 27 d'abiento de 1920 - † Idem, 20 d'otubre de 1980) estió un ecologo bechetal norteamericán actibo d'entre 1950 y 1980.
Naixito en Wichita, estato de Kansas, se lizenzió en a unibersidat de Topeka e dimpués d'o suyo Serbizio Militar, fayó lo suyo dotorado en a Unibersidat d'Illinois. Estió uno d'es introductors de l'emplego de marcadors radiautibos á l'estudeo d'ecosistemas. Propunió tamién o sistema de l'analisis de gradients ta l'estudeo d'as comunidaz bechetals. Estió también muito actibo arredol d'as comunidaz de plantas, a suzesión ecolochica d'istas, e la productibidat.
Pero la suya més gran aportazión t'os estudeos zentificos estió la propuesta d'a clasificazión d'os sers bibos en zinco reinos: Animalia, Plantae, Fungi, Protista e l'autualment obsoleto reino Monera.
Per iste motibo lo combidoron t'a chuntar-se t'a National Academy of Science, l'academia norteamericana d'as zenzias, en l'añada de 1974. Estió premiato per l'"Ecological Society of America" como á "Ecologo eminente" á la mesma añada d'a suya muerte.
[editar] Referenzias
- Robert H. Whittaker Communities and Ecosystems, Macmillan, 1975. ISBN 0-02-427390-2
- Robert H. Whittaker(Ed), Classification of Plant Communities, 1978 (Handbook of Vegetation Science), Kluwer Academic Publishers, ISBN 90-6193-566-0
