San Chusep de Calasanz
De Biquipedia
| San Chusep de Calasanz | |||
|---|---|---|---|
 A zaguer comunión de San Chusep de Calasanz, de Goya |
|||
| Nombre: | San Chusep de Calasanz | ||
| Apodo: | {{{apodo}}} | ||
| Naximiento: | 11 de setiembre de 1557 Peralta de la Sal, Aragón |
||
| Muerte: | 25 d'agosto de 1648 Roma, Italia |
||
| Festibidat: | 27 d'agosto | ||
| Benerado en: | {{{benerato en}}} | ||
| Simbolochía: | |||
| Patrón: | Escuelas populars cristianas. | ||
| Zentro: | {{{puesto pelegrinazión}}} | ||
| Ordens: | {{{orden}}} | ||
| Biatificazión: | {{{biatificazión}}} | ||
| Canonizazión: | 16 de chulio de 1767 por o Papa Climén XIII | ||
| Cuestions: | {{{custions}}} | ||
Chusep de Calasanz y Gastón (Peralta de la Sal, 11 de setiembre de 1557 - Roma, 25 d'agosto de 1648), tamién conoxito como San Chusep de Calasanz, Calasanz u por o suyo nombre relichioso Chusep d'a Mai de Dios (Josephus a Matre Dei), estió o fundador d'a orden relichiosa d'os Escolapios.
[editar] Biografía
Chusep de Calasanz naxió en Peralta de la Sal. Estió o más choben d'os siet fillos de Pedro Calasanz, que yera ferrero y plegó á estar o churau mayor d'o lugar, y María Gastón, qui li dioron una buena educazión en casa suya y en a escuela de Peralta. Con diez años marchó interno á Estadilla ta estudiar Umanidaz. Dimpués estudió Filosofía y Dreito en a Unibersidat de Lerida, en aquels tiempos a más important d'a Corona d'Aragón, an que i acudiban estudiants aragoneses, catalans y balenzians que s'agrupaban en nazions. Fue nombrau por os estudiants aragoneses como Prior d'a nazión aragonesa. En Lerida aconsiguió o títol de Dotor en Dreito, y dimpués estudió con onors Teolochía en as unibersidaz de Balenzia, Alcalá de Henares y un atra begada en Lerida, an que obtenió o Dotorau en Teolochía.
Dimpués que morioron su mai y o suyo unico chermano, su pai querió que Chusep casase y continase a casa y familia. Pero una malotía en 1582 fizo beyer á Chusep as tres pedretas y su pai li premitió seguir a suya bocazión relichiosa. Cuan se recuperó fue ordenato sazerdote o 17 d'Abiento de 1583 por Hugo Ambrosio de Moncada, Bispe d'Urchel.
Chusep prenzipió os suyos treballos como mosen en a Diozesis d'Albarrazín, an que o Bispe Gaspar Juan de la Figuera li nombró o suyo teologo y confesor, examinador d'o sinodo y precurador, y cuan o bispe fue tresladato t'a Diozesis de Lerida o suyo teologo li siguió t'a suya nueba diozesis. En 1585 bi estió en as Cortes de Monzón.
En 1586 de la Figuera fue nimbiato como besitador apostolico t'a Badía de Montserrat y Chusep l'acompañó como secretaire. O bispe morió á l'otro año y Chusep marchó, pero i tornó cuan li'n requirioron. En ixe tiempo morió o suyo pai. Alabez fue nombrato por o Bispe d'Urchel ta estar o bicario cheneral d'o distrito de Tremp.
En 1592 embarcó cara ta Roma con l'afán de poder medrar más rapedament en a cherarquía eclesiastica, ganando una canonchía. Pero Calasanz bibió en Roma a resta d'a suya bida. Años dimpués escribió aragonés de nazión, romano de sentimiento y costumbres. En plegar ta Roma trobó un proteutor, o Cardenal Marcoantonio Colonna, qui lo trigó como teologo y como mayestro ta o suyo sobrino.
En Roma podió beyer a miseria material y moral en que bibiba a chent común d'a ziudat, en espezial os mesaches que bibiban en as carreras, en o Bico d'o Trastevere, muitos d'els popiellos, y que no teneban garra instruzión. Astí Calasanz prenzipia á cambiar as suyas prioridaz bitals, y cuan á la fin l'ufrioron una deseyata canonchía en Sebilla, respondió "En Roma he trobato a maniera finitiba de serbir á Dios, fendo o bien á os ninos pobres, y no los deixaré por garra cosa".
Calasanz s'achunta á una Confraría de Dotrina Cristiana que reculliba mozez y mozetas d'as carreras y los lebaban t'a escuela, pero os mayestros, que yera mal pagatos, refusoron esta faina adizional sin cobrar más diners.
O pastor d'a parroquia de Santa Dorotea, Antonio Brendani, li ufrió dos cambras y aduya en l'amostranza ta fer una escuela ta istos mozez. Cuan atros dos mosens li prometioron aduya, Chusep de Calasanz ubrió en Nobiembre de 1597 a primer escuela publica gratuita d'Europa.
O Papa Climent VIII li conzedió una aduya anual y muitos atros tamién fizon donazions, y en poco tiempo a escuela de Chusep de Calasanz ya teneba á o suyo cargo bella milenta d'escolanos. En 1602 logó una casa en Sant'Andrea della Valle, y prenzipió una bida comunitaria con os suyos asistents, o que lebó t'o establimiento d'a Orden d'as Escuelas Pías u Escolapios.
A suya nueba instituzión atrayó muita embidia y oposizión enta el y a suya obra. En 1612 a escuela se tresladó ta un palazio chunto á San Pantaleone. O 15 de setiembre de 1616 establió un nuebo colechio y comunidat escolapia en Frascati. En San Pantaleone, Chusep pasó a resta d'a suya bida. Morió en Roma o 25 d'agosto de 1648.
[editar] Benerazión
O suyo cuerpo ye apedecato en San Pantaleone. Calasanz fue beatificato o 7 d'agosto de 1748. Fue canonizato por Pope Clement XIII o 16 de chulio de 1767. A suya fiesta liturchica ye o 25 d'agosto.
