Sancho Garzés II de Nabarra
De Biquipedia
|
||
| Informazión | ||
|---|---|---|
| Rei y conte en |  Reino de Nabarra y Condau d'Aragón |
|
| dende | 970 | |
| dica | 994 | |
| Prezedito por | Andregoto Galíndez | |
| Suzedito por | Garzía Sanchez II | |
| Naximiento | - | |
| Muerte | 994 | |
Sancho Garzés II, dito «Abarca», estió rei de Nabarra y conte d'Aragón (970 - 994).
Yera filo d'o rei Garzía Sánchez I y Andregoto Galíndez, filla d'o conte d'Aragón Galindo Aznárez II (867-892)
S'atribuye á iste rei o tetulo de rei de Nabarra, cuan en 987 en o Monesterio de San Chuan d'a Peña se tetula: reinando Yo, D. Sancho, rey de Navarra, en Aragón, en Nájera y hasta Montes de Oca...
En ista epoca os reinos de Lión, Nabarra y o condau de Castiella yeran unitos por lazos familiars; a monarquía nabarra manteneba á Remiro III de Lión, menor d'edá.
Cuan murió Alhakén II en 976 y li suzedió o suyo fillo Hixem II tutelato por Almanzor, perigló a estabilidá d'os reinos cristians: as tropas d'Almanzor benzioron á los cristians en Torrevicente, á lo sur de Soria; dimpués lis tornó á benzer en Taracueña, amán d'Osma.
En 975 estió redotato por os musulmans en San Esteban de Gormaz, y en 981 en Rueda, á doze quilometros de Tordesillas, os cristians abioron una importán redota.
Como por as armas no se podeba con Almanzor, Sancho Garzés acudió ta Cordoba como embaxador de o suyo propio reino, lebando asabelos regalos ta o bitorioso Almanzor, pautando con er y dando á lo musulmán a suya filla en matrimonio. Fruto d'iste matrimonio naxió lo que eba d'estar Abd al-Rahman Sanchuelo, eredero á lo Califato de Cordoba.
Establió lo Monesterio de San Andrés de Zirueña (972).
Casato, prebablemén, en 962 con Urraca Fernández, filla de Fernán González y de Sancha de Pamplona. Antis de 950 Urraca eba estato casata con Ordoño III de Lión y en 956 casó con o futuro Ordoño IV "El Malo", de qui se deseparó.
Fillos:
- Garzía II Sánchez "o Temblón", Rei de Pamplona, casato con Ximena Fernández.
- Remiro de Nabarra (m. 992).
- Gonzalo de Nabarra. Bels decumentos o presentan como conte d'Aragón. Baxo a dependenzia d'o suyo pai gubernaba o condau d'Aragón en unión d'a suya mai a reina Urraca.
- Abda (Urraca) de Nabarra "A Bascona", entregata ta Almanzor, y que antis de ingresar en un combento li dió un fillo, Abderramán "Sanchuelo".
| Predezesor: Garzía Sanchez I |
Rei de Nabarra 970 - 994 |
Suzesor: Garzía Sanchez II |
| Predezesor: Andregoto Galíndez |
Conde d'Aragón 970 - 994 |
Suzesor: Garzía Sanchez II |
