Sancho VII de Nabarra
De Biquipedia
|
||
| Informazión | ||
|---|---|---|
| Gubernó en |  Reino de Nabarra |
|
| dende | 1194 | |
| dica | 1234 | |
| Prezedito por | Sancho VI lo Sabio | |
| Suzedito por | Tibaldo lo Trobador | |
| Naximiento | 1170 | |
| Muerte | 1234 | |
Sancho VII de Nabarra, dito lo Fuerte, estió rei de Nabarra entre 1194 y 1234. Fillo de Sancho VI lo Sabio e d'a suya muller Sancha de Castiella, e chirmán de Belenguera de Nabarra, suzedió á lo suyo padre en lo tron de Nabarra en l'año 1194.
Casato dimpués de 1195 con Constanza de Tolosa, filla de Ramón VI (Conte de Tolosa), e se'n deseparó més tarde.
Continó con las relazions que lo suyo padre eba establito con Castiella e, sopre tot, con Aragón.
Prebó d'aduyar á Alifonso VIII de Castiella en la batalla d'Alarcos (1195), pero i plegó tarde, lo que disgustó á lo monarca castellán e orichinó un enfrentamiento.
Sancho "el Fuerte" debastó Soria y Almazán, e lo rei de Castiella li abió de demandar la Paz de Tarazona (1196).
Alifonso VIII aprobeitó la estanzia de lo monarca nabarro en Murzia, Andaluzía e lo norte d'Africa, pa prener Alaba e Ipuzcua, conquistas confirmatas por lo Tratato de Guadalachara (1207).
Firmó un tratato d'afillamiento e suzesión reziproca con Chaime I d'Aragón que no se cumplió:
- Io don Sancho, rey de Navarra por la gracia de Dios por estas palabras et por estas conveniencias desafillo a todo omne et afillo a vos don Jacme rey de Aragón por todo el Regno de Navarra et aquello qui al regno de Navarra pertanne et quiero et mando que todos míos concellos que juren a vos sennoría que vos atiendan esto con Navarra et con los castiellos et con las villas si por aventura deviniesse antes de mí que de vos et si non lo fiziesen que fosen traidores asi como escripto es desuso. Et ambos ensemble femos paramiento et conveniencia que si por aventura io en mia terra camiasse ricos omens e alcaydes o otros quales quisier en mios castiellos aquellos a qui io los diere castiellos o castiello que aquel que los receba por mí que vienga a vos e vos faga omenage que vos atienda esto así como sobre escripto es.
| Predezesor: Sancho lo Sabio |
Rei de Nabarra 1194 - 1234 |
Suzesor: Tibaldo I lo Trobador |
