Serranía de Cuenca

De Biquipedia

A Serranía de Cuenca ye l'aria montañosa d'o noreste d'a probinzia de Cuenca, que forma una mesma rechión natural con a Sierra d'Albarrazín (Tergüel). Ye una macrorredolada que encluye bellas redoladas naturals más chicotas que no han esdebenito redoladas ofizials.

Parte d'ista serranía ye en a Cuenca d'o río Tajo (o Tajo naxe á man) con os ríos Cuerbo y Escabas trescurzando a parte norueste, pero atra parte ye en a bertient mediterrania d'a peninsula, con o Xucar, o río Blanco y os suyos afluents.

Os materials predominans d'istas sierras son calizos d'o mesozoico, a sobent karstificatos con torcas u dolinas. Tamién bi ha espectaculars fozes, estreitos u cañons flubiocarsticos.

A bechetazión predominant son as pinetas. Tamién bi ha carrascals u carrascals-caxicars y sabinars.

A caza mayor ye abundant y i esitió una reserba de caza dende 1973 dica 2007, güei ista reserba de caza s'ha incluito en una demarcazión más gran clamata Parque Natural de la Serranía de Cuenca.

As redoladas d'a Serranía de Cuenca son, dende o norueste ta o sureste:

• A Serranía Alta
• A Serranía Media
• El Campichuelo
• A Serranía Baja