Seta

De Biquipedia

Una seta ye —dende lo punto de bista sociolochico— una colla de presonas con afinidaz comuns (culturals, relichiosas, politicas, esotericas, etz). Por un regular ye un termin peyoratibo, e agora se propone lo termin politicament correuto de nuebos mobimientos relichiosos.

[editar] Etimolochía

N'aragonés autual y charrar baturro se diz SETA, y esta mesma palabra la trobamos en la Cronica de San Chuan d'a Peña cuan charran d'os musulmans (la seta morisca), seguindo la tradizion bizantina que consideraba á los musulmans una més d'as muitas setas u herechías cristianas e comparandola con los arrians.

Lo termin probién de lo latín SECTA: ‘senda’, ‘metodo’, ‘modo de bida’, ‘partito politico’, ‘escuela de filosofía’ (d'on bien sectátor y sectatoris: ‘seguidor’) que bien de seqüi: ‘seguir’. S'han planteyato dudas de que probienga de lo latín secare (tallar, deseparar); de secare probienen las palabras «insecto» y «sector» en castellán. En los dos casos ye present la ideya de deseparación.

En Europa la palabra seta s'ha concebito deribata més que més de seqüi: ‘seguir’. Se trata de seguir á un mayestro, á un líder. En muitas setas asinas se desbién. También s'emplega l'eufemismo «nuebos mobimientos relichiosos».

La palabra SETA, prozede de lo latín sequor que tien un sennificato de seguir (con esto tamién ye relazionato lo latín SEQUITUS), e prozede de la radiz indoeuropeya *sek- (seguir).

Perseguir ye la espresión d'un carauter cheneral de lo comportamiento sozial, talment relazionato con lo tribalismo, que mira de imponer u enfortir la conformidat.