Sonorizazión dezaga liquida
De Biquipedia
A sonorizazión dezaga liquida ye cuan as consonans xordas que ban dezaga liquida, n, r, l sonorizan:
Exemplos
- (latín) MONTIS > (basco) mendi
- (latín) JUNCUS > (aragonés zentral) chungo
Este fenomeno ye carauteristico güei de l' aragonés zentral, y se creye que tiene relación con o sustrato basco-aquitano que estió presén en l'Alta Edat meya, y ye fazil que dende o sieglo II A.C. Se troba en palabras bascas d'orichen latino: abendua, (abiento), mendi (mon). Como se troba en basco y en aragonés zentral ye lochico pensar que se produziba en aragonés occidental, y de feito i trobamos repuis: espelunga. Tamién bi ha repuis en o Semontano y mesmo en Selgua (chungareta).
En testos latinos meyebals con elementos romanzes mos trobamos Boldagna pronunziato /Boldaña/, Ordolés, Andregoto (antroponimo Entregoto), Zinga, esplunga, frangas, rangura, palanga, frangum, zangato.
Os repuis que trobamos en o Baxo Aragón (jungo, bringo), pueden estar producto de a repoblazión con sobrarbenses. Ye curioso o nome de l'abe esteparia algaraván en a Ribera Baxa de l'Ebro, o cualo puede tener atras esplicazions, (C > G como en guchiello, gayata), y dimpués adizión de "al" arabe.
