Taifa d'Albarrazín
De Biquipedia
A Taifa d'Albarrazín u Reino d'Albarrazín estió una chicota taifa independient entre os sieglos IX e XII
Dende a suya independenzia d'o Califato de Cordoba en 1012 estió gubernata por os Banu Razín, familia berber que yera establita en a Sierra d'Albarrazín
O territorio d'a taifa yera chicot, situato entre o curso alto d'o Guadalabiar, á on yera a suya capital Albarrazín, o curso alto d'o Xiloca e tota la compleganza d'o río Alfambra.
A independenzia d'a taifa remató con a plegata d'os almorabez. Cuan os almorabez perdioron poder, a zona la se disputaban reis taifas de Murzia e Balenzia dica que en 1147 Albarrazín quedó en poder d'o Rei Lupo, como tot lo Lebant musulmán ispán.
Lo Siñor d'Estella Pero Ruíz d'Azagra, aliato de lo Rei Lupo se fazió con lo poder de Santa María de Aben Razín u Siñorío d'Albarrazín comprando-la u rezibindo-la á cambeyo de los suyos serbizios enta 1170.
