Tierratremo
De Biquipedia
Un tierratremo ye a liberazión de golpe d'enerchía acumulata por a deformazión lenta en a superfizie d'a Tierra, que ye espardita en forma d'ondas sismicas. Os tierratremos produzen un temblor u una segudita d'a superfizie d'a Tierra.
Os tierratremos gosan á produzir-sen por o mobimiento d'as placas teutonicas que forman a crosta d'a Tierra. Istas placas se mueben lentament pero de contino, e os terratremos ocurren cuan a presión eszede a capazidat d'os materials d'a tierra ta soportar-la. Ista condizión se troba más asobent en as mugas entre as placas teutonicas en que ye dibidita la litosfera d'a Tierra.
Os tierratremos ocurren cada día en a Tierra, pero la mayor parti son chicoz e no causan daños. Os mayors tierratremos pueden causar gran destruzión e perda de bidas por una bariedat d'achents que encluyen fallas trencatas, mobimiento bibratorio d'o suelo, inundazions (por exemplo: tsunami, sobrexita d'entibos), diferents clases de crepas en o suelo (por exemplo: licuefaczión, chorripatizos), u inzendio de materials perigloso. En bels tierratremos en particular, belún d'istos achents pueden predominar, e istoricament cadagún d'ers ha causato daños mayors e gran perda de bidas umanas, pero en a mayor parti d'os tierratremos o temblor d'a tierra ye predominant e a prenzipal causa de daños.
