Torres (Ribagorza)

De Biquipedia

Torres
{{{imachen}}}
Comunidat autonoma	Aragón
Probinzia	Uesca
Redolada	Ribagorza
Codigo postal	22430
Monezipio	Graus
Superfizie	{{{superfizie}}} km²
Altaria	542 m.
Distanzia	92 km enta Uesca
Poblazión	259 ab.
{{{situazión}}}

Torres (Torres del Obispo en castellán) ye un lugar d'a redolada d'a Ribagorza, pertenexién á lo monezipio de Graus, con 259 abitants en 1991. Comprende l'aldeya d'El Toral.

[editar] Nome

La chent d'iste lugar diz Torres cuan charra con chent d'a redolada, pa esferenziar-la de Torre d'Esera y Torrobato; ye a unica Torres(en plural) en a Ribagorza. A forma larga con apelatibo, Torres de l'Obispo, s'emplega cuan charran con chent de fuera d'a redolada pa esferenziar-la d'atras Torres. A forma teorica bisbe no la-i trobamos en o charrar local.

Ha tenito muitos cambeos de nome ofizial á causa d'os cambeos de mugas eclesiasticas:

• Torres dica 1495.

• Torres del Abad en 1543, porque en 1307 pasó a depender de l'abadiato de Sant Beturián. Atras barians: Torres del Abadiado de San Victorián (1560), Torres dalabad (1573).

• En 1571 dixó d'esistir iste abadiato y se creyó l'obispato de Balbastro. En a bula papal on se dizen as mugas d'iste obispato, Torres, sin de apelatibo, en ye una:

dominio subjacent Graus, et Torres loca et oppida

• Torres del Obispo dende 1575 seguntes Burrel u dende 1646 seguntes Ubieto Arteta, por pertenexer á l'obispato y no á garra abadiato. Como cuan se produzió iste cambeo de demarcazions territorials yera cuan se cheneralizaba l'emplego ofizial d'o castellán, y como l'aragonés no ha tenito guaire emplego en a ilesia, o tetulo ofizial yera Obispo y ya no yera Bispe, y ye como s'aplicó á l'apelatibo d'iste toponimo, apelatibo que no ye popular. Una barián de 1660 d'o nome yera Torres del Señor Obispo de Barbastro.

• Torres de las Cebollas, replegato en 1679 y 1680, podió estar una forma popular, ya que tién relazión con a embotada que tienen os de Torres, zebollons.

[editar] Charrar

Ye situato en una zona de transizión estricta u microcheografica entre l'aragonés y o catalán en lurs modalidaz ribagorzanas. Seguntes o mapa feito por Artur Quintana, a linia Chuseu-Torres-Alins desepara á l'este charrars catalans de transizión enta l'aragonés y á l'ueste charrars aragoneses de transizión enta o catalán.

[editar] Fiestas

• San Chaime y Santa Ana, 25 y 26 de chulio.
• Purisma Conzezión, 8 d'abiento.