Alkbottle

Aus Wikipedia

Der Àrtikl is im Dialekt „Ostöstareichisch“ gschriem worn.

Alkbottle
da Start:	1990
Genre:	Metal, Rock
Heitige Besetzung
Gsangl:	Roman Gregory
Klãmpfm:	Christian Zitta
Klãmpfm:	Didi Baumgartner
E-Båss:	Marco Billiani
Zeigl:	Ernst Luttinger
Friăra mitgspüüd hãm
Klãmpfm:	Christian Breier
Zeigl:	Peter Wagner

Alkbottle san a Weăna Rockband, de wos bsundasd in de 90a Joăh in Östareich recht präsent woă. Bekãnnt sans vuă oim wegn eănare ironischn und áá dêuweis deăbm Textln auf Weănarisch.

[dro werkln] Musi und Språch

Stilistisch håidn si Alkbottle in eăschta Linie ãn an Rock und Heavy Metal aus de 80a Joăh. Se spüün owar áá Coverversionan vo Klassika ausn Rock, ausn Metal und ausn Austropop, nuă håid mit eigane Textln. So hãms z.B. aus „Thunderstruck“ vo AC/DC „Fanta Light“ gmåcht. Vo das Språch heă san olle Liădln in an modeănan Weăna Dialekt ghoidn, gãnz söötn findt ma Elemente ausn Englischn und ausn Hochdeitschn. In vüüle vo eănare Gsangl gehts umma s Tschechan und de Foign vo ána Lettn oigemein, oft garniăt mit recht harbe Sprüchln. Zweng dem sans vom Ãfãng ã ois „tiăf“ kritisiăd und áá vom Östareichischn Radiosenda Ö3 boykodiăd wuăn. Auf da ãndan Seitn håd eăna da „Weăna Prolo“ – Schmäh áá vüüle Fans eîbråcht. De Musika sööwa betonan owa, dass de Textln ironisch und net 100% ernst gmánt san.

[dro werkln] Gschicht

Alkbottle san ãm Ãfãng vo de 90a Joah aus ána Spüülarei vo de ehemålign Schuikollegn Roman Gregory (Gsangl) und Peter Fiala (späda Technik) entstãndn. 1994 sans in Östareich mit eănara zweitn Scheibm „Blader, Fetter, Lauter & A Bissl Mehr“ oigemein bekãnnt wuăn. Fiă des Album hãms in Östareich áár a goidene Schoiplåttn kriăgt. Nåch Streidarein in da Band hãms sa si 1998 aufglest, und da Roman Gregory håd a Solokarrier ãgfãngt. Trotz oidem hãms áá nochn offiziölln End no a poă Konzertln gspüüt, a Live DVD aussebråcht, und a Liădl fiăr a Fan – CD vom Fuăßboiklub SK Rapid Wien eîgspüüt. 2006 hãm sa si aufs Neiche zãmgschlossn.