Büchernachlese
Aus Wikipedia
 |
Der Àrtikl is im Dialekt „Berchtsgoanarisch“ gschriem worn. | |
De Büchernachlese is des frei zuagängliche Online-Rezensionen-Archiv vo dem Schriftstella unn Autor Ulrich Karger, wo ma iaba 1.400 vo seine Rezensionen unn Kuazhinweis zua Belletristik unn Sochbuach sowia ned zletzt zua Kinda- unn Jungdlitaradua obruafa ko.
Bgunna hot des 1999 mit Linklistn auf seina Homepage, de auf ondane Web-Litaradua-Poatale unn Online-Litaradua-Redaktionan vawiesn homn, de wo seine Rezensionen ins Netz einigsteijt homn.[1] De Domain www.buechernachlese.de.vu hot da Autor, dea a seiba Biacha schreibt, donn im Oktober 2000 eigricht, oba eascht seit 2001 hot ea donn aa olle seine Buachbsprechunga in sei eigane Homepage eibaut. Nemn da Gsomtlistn san in da Biachanochles hiazt a no vui Unta- unn Extralistn obzruafa, in dene zum Beispui von eam meafoch bsprochane Autorn oda Bsprechunga zu Theman wia Kindabiacha zu Weihnochtn zsammagfosst san. Fia seine mehrare hundat Bsprechunga zua Kinda- unn Jungdlitaradua hot ea spada a no a Poatalseitn mit a eiganan Domain unta www.kinderbuechernachlese.de.vu eigricht.
Im Gengsotz zua de bei de Online-Redaktionan einigesteijten Rezensionan vo Ulrich Karger san de in da Biachanochles ungkiazt unn unredigiat nochzlesn. De meistn vo de Buachbsprechunga san zeascht in vaschiedane Zeitunga unn Stodtmagazin odruckt woan, fia de da Autor seit 1985 oijs Freia Mitoabeita schreibt bziehungsweis gschriem hot, darunta aa fia de Süddeitsche, de Berliner Zeitung unn fir an Berliner Tagesspiegel.[2]
De Atikl seim, de oijs Kuazhiweis blos a boa Zeijn oba sunst aa glei mehrane Seitn umfossn kennan, san scho des Eftan in Obastufn- unn Studentn-Oabatn [3] sowia in wissenschoftliche Examensoabatn, in a Dissertation[4], ois Teil vo Lehrermaterialien[5] unn aa fia ausländische Germanistikstudenten [6] zitiat bziehungsweis ogsprochn woan[7].
[dro werkln] Queijn
- ↑ Sieg de Kontakt-FaQ | Quellenangabe-Seitn unta www.buechernachlese.de.vu
- ↑ Sieg de Kontakt-FaQ | Mitarbeit bei den Prints-Seitn unta www.buechernachlese.de.vu
- ↑ Sieg unta ondam http://www.hausarbeiten.de
- ↑ Sieg de Dissertation vo Dr. Sebastian Fasthuber
- ↑ Sieg de Hiweis untn in da Rezension vo Ulrich Karger zu Hans Magnus Enzensberger: Wo warst du Robert?in seina Biachanochles
- ↑ Sieg unta ondam www.dickinson.edu/glossenheft16/treichel.html
- ↑ books.google.com Suche: Karger, Ulrich
