Bofesn
Aus Wikipedia
 |
Der Àrtikl is im Dialekt „Reichahollarisch“ gschriem worn. | |
Bofesn, aa gschriemm ois Bavesn, Pofesn und ähnli, is a boarisch-östreichische Variantn vo Arme Ritter. Dafia wern zwoa oidbachane Scheim Weissbroud in Muich eigwoakt, in da Mittn mit Powidl gfuit, komplett in zuckadm, vaquirltn Oa gwendt und nachad in hoassm Schmoiz schwimmad ausbacha.
Bofesn san friara traditionell an Liachtmess bacha worn, wann de Dienstbotn eanane Herrschaftn wechsln ham derfn. Weils so guad schmeckan, gebts es heitzdog aa aussahoib vo da traditionelln Hauptsaison. Weils bei da Füllung aa no andane Variantn gebt, oiso Marmelad, oba aa Pikants, hoasst ma de Bofesn mid Powidl aa Zwetschgnbofesn.
[dro werkln] Wortursprung
Des Wort Bofesn kannt entweda vum italienischn Pavese fia Schild kemma, wos ma vo da Form her erklärn kannt. A andane megliche Herkumft waar de Zuppa pavese, wos a Fleischbriah mit Brotscheimm is, de aus da italienischn Stod Pavia kimmt.
