Corona
Aus Wikipedia
 |
Der Àrtikl is im Dialekt „Owaöstareichisch“ gschriem worn. | |
Corona is da Naum vu am mexikanischn Bia, des vu Grupo Modelo braut wiad. Des Bia wiad in mea wia 150 Lända vu da Wöid vakauft, is in seina Hoamat s'meistvakaufte Bia vu olle und wiad aa intanazjonal imma eafoigreicha. So wean in Deitschlaund mittlaweile im Joa guad 45.000 Hektolita unta d'Leid brocht.
In de USA is s'Corona mitm Heineken s'meistimportiate Bia und wiad duat meistns direkt aus da Floschn drunga wobei ma a Stickl Limettn im Floschnhois stecka hod. Dea Brauch is oba koa Gaudigspüi sondan hod an bestimmtn Hintagrund: Weil de Floschn aundas wia bei uns duachsichtig sa, kinan si duat grauslige Stoffe büiden, de ma mit da Limettn weggaputzt. Aunschliaßnd druckt ma d'Limettn in d'Floschn eini, woduach s'Bia daun an fruchtign Gschmock griagt.
In Eiropa findt ma hauptsächli de 0,33-Lita-Flaschl, eigntli gibts as Corona oba in vüi mea Floschngreßn und ob und zua findt mas aa ois Fasslbia und Dosenbia.
Im Gengsotz zum mittleuropäischn Bia is des mexikanische Corona a Maisbia. Außadem san Wossa, Geaschtnmoiz, Reis, Hopfn, Hefe, Papain und Ascorbinsäire drinnan, da Alkokolghoit is 4,6 Volumsprozent.
