Echte Håsn
Aus Wikipedia
 |
Der Àrtikl is im Dialekt „Westmittlboarisch“ gschriem worn. | |
Echte Håsn sànd Saigetia, de zua Gattung Lepus innahoib vo da Familie vo de Håsn (Leporidae) ghèan. Es gibt zirka 30 Arten, in Europa lebn åber nua fümfe: da Feidhås (L. europaeus), da Schnèèhås (L. timidus), da Korsika-Hås (L. corsicanus), da iberische Hås (L. granatensis) und de Art Lepus castoviejoi, des in Spanien gibt.
Håsn håm starke Hinterhàxn und sànd dadurch sehr schnèie Viicha, so kå da Fèidhås bis zu 70 km/h rènna. Weitere Merkmåi sànd seine langa Orn und à brauns oda graubrauns Fèi, des untn leicht weißlich is. Mèrere Artn wechsln außadem s Fèi im Winta, wo's dann ganz weiß wiad.
Håsn fressn Pflanzn wia Grås und Kraita, åwà à Wuazln, Àstl und Rindn vo de Bààm.
