Fraisinga Bedrusliad

Aus Wikipedia

Der Àrtikl is im Dialekt „Owaöstareichisch“ gschriem worn.

Da Hailige Bedrus griagt in Schlissl fia d Hümmispfoatn, Büd fum Glsoda auf da Insl Reichenau im Bodnse, 11. Joahundat

S Fraisinga Bedrusliad is dés ødasde daidsch-schbråchige Kiachnliad ausn Mitlåita, dés ma haid kend. In Wiaklichkaid iss åwa in da åid-boarischn Variantn fum Åidhochdaidsch dicht und aufgschrim woan und is déswéng a a wichdige Gwøn fia dé gãns åide Foam fu da boarischn Schbråch. Fafåsst woan iss fu am haid unbekãntn Mönch, ungefea um s Joa 880 nåch Grisdus, im Scriptorium fum Glosda Fraising. Haid ligt s in da Boarischn Schdådsbibliodek in Minga (clm 6260 S.158b)

[dro werkln] S ødasde "daidsche" Liad

S Fraisinga Bedrusliad is a Gsãng iwan hailing Bedrus und is dés õanzige Gedicht aus åidhochdaidscha Zaid, bai dém in da Hãndschrift d Melodi duach Neumen ãdait is. Neumen san klõane Markiarungen iwan Dext, dé zum Baischbü a bai de Gregorianischn Koarel fawent woan san, wai s jå dåmåis nu kõane Notn zum aufschraim fu Musi gém håd.

D easchdn zwoa Schdrofn fum Gedicht hãndln dafã, wøchane Måch in Hailing Bedrus iwagém woan is und das ea an da Hümmisdia schded und entschait, wai aini kimt und wea ned. De drite Schdrof foadat de Glaibing auf, dass an dn Bedrus fiabitn, das a gnedi is und de Sünda aini låst.

D Schbråch fum Bedrusliad is Åid-Boarisch, wia s in deara Gégend dåmåis grét hãm - oda zu mindest gschrim hãm. D geamanisdische Gwønfoaschung håd åwa s Bedrusliad kloa ois boarisch identifiziad. D Faearung fum hailing Bedrus woa a in da boarischn Gegend bsondas fabrait, foa oim in Såizbuag (Sankt Peter) und in Båssau, wo a d Schdiftskiachn an hailing Bedrus gwaid is. Déswéng kintad dés Liad a doat, oda fia doatn dicht woan sâi.

[dro werkln] Oaginaldext

S Fraisinga Bedrusliad im Oaginal (da untare Dail iss)

Oaginal Dext	haidigs Boarisch
Unsar trohtin hat farsalt sancte Petre giuualt daz er mac ginerian ze imo dingenten man Kyrie eleyson Christe eleyson Er hapet ouh mit vuortun himilriches portun dar in mach er skerian den er uuili nerian Kyrie eleison Christe eleyson Pittemes den gotes trut alla samant uparlut daz er uns firtanen giuuwerdo ginaden Kyrie eleyson Christe eleison	Unsa Heagod håd iwadrång in Sankt Beda d Gewåit das ea måg retn de eam gedingten Mãn (Ding = Gricht, faglaich Islendisch "Þing") "Kyrie eleyson Christe eleyson" ea soid a dés Woat hãm (vuortun, wortun = Gericht) fum Hümiraich dé Pfoatn das ea kãn ainlåssn dén, dén ea wü retn "Kyrie eleison Christe eleyson" Bittn mia dén Fadrautn fu God ole zãm üwalaud das ea uns Fadãnen (Faloarenen) gwearad Gnåd "Kyrie eleyson Christe eleison"

Oaginal Dext

haidigs Boarisch

Unsar trohtin hat farsalt
sancte Petre giuualt
daz er mac ginerian
ze imo dingenten man
Kyrie eleyson Christe eleyson
Er hapet ouh mit vuortun
himilriches portun
dar in mach er skerian
den er uuili nerian
Kyrie eleison Christe eleyson
Pittemes den gotes trut
alla samant uparlut
daz er uns firtanen
giuuwerdo ginaden
Kyrie eleyson Christe eleison

Unsa Heagod håd iwadrång
in Sankt Beda d Gewåit
das ea måg retn
de eam gedingten Mãn (Ding = Gricht, faglaich Islendisch "Þing")
"Kyrie eleyson Christe eleyson"
ea soid a dés Woat hãm (vuortun, wortun = Gericht)
fum Hümiraich dé Pfoatn
das ea kãn ainlåssn
dén, dén ea wü retn
"Kyrie eleison Christe eleyson"
Bittn mia dén Fadrautn fu God
ole zãm üwalaud
das ea uns Fadãnen (Faloarenen)
gwearad Gnåd
"Kyrie eleyson Christe eleison"

Kyrie eleyson, Christe eleyson (Κύριε ἐλέησον. Χριστὲ ἐλέησον.) hoast: Hea daboam di, Grisdus daboam di.
fraie, néd wissnschåftliche Iwasézung fum Benutzer:El_bes