Französische Revolution
Aus Wikipedia
 |
Der Àrtikl is im Dialekt „Mingarisch“ gschriem worn. | |
De Französische Rewolution is vo 1789 bis 1799 in Frankreich g'wen und is as dridde Moi in da G'schichtn vo dera Menschheid g'wen (noch England 1649 und in Nordamerika 1776), dass se a Voik geng sei Monarchie wendt und's duach a Republik dasetzt. As Ganze woar a wichtiga Eischnitt und hat sauvui zua Foign g'habt.
Ois an Beginn siehgt ma allgemein an Stuam auf de Bastille am 14. Juli 1789 o, awa dea wiakliche rewolutionäre Akt is scho am 17. Juni mit da Einberufung vo da Nationalvasammlung g'wen. Des woar as easte Moi, dass se de Leit nimma ois Untatanen vo am Kini vastandn ham, sondan dass se si ois oa Voik seywa g'seng ham.
Ang'fangen hat ois no ganz friedlich und de Leit ham endle meah Rechde kriagt, de wo scho lang üwafällig g'wen san, wia as Mitbestimmungsrechd oda de persönliche Gleichheid und Pressefreiheid. Awa dann is a Gruppn, g'nannt de Jakobiner, an de Machd kemma, de wo a radikale Wersion vo da Rewolution meah bevoazugt ham. Des hat dann a wahre Terrorheaschaft zua foige g'habt, in dea de Leit nachananda auf de Gulliotine (de wo nua desweng dafundn woan is) g'schickt woan san. Am End ham de Übltäda awa seywa dran glam miassn, und da Napoleon hat's Ruada üwanomma, wos des End vo dera Rewolution g'wen is.
