Fußballregeln
Aus Wikipedia
Inhaltsverzeichnis |
[dro werkln] Spuifoid
Fuaßboi werd auf am rechteckadn Foid gspuit. Des Foid, moastn aus Rosn, ko oba a aus Sond oda Kunststoff sei, muas eben und frei vo Hindanisse sei. De kuaz Seitn (Doarlinie) muaß owei zwischn 45 und 90 Medda long sein. D'longe Seitn (Seitnlinie) muss owei zwischen 90 und 120 Medda hom.
De meistn Plätz san oba 68 auf 105 Medda und bei monche Eiropapokale muas des a so sei.
Makieat werd des mi Linien aus Koik oda Foab (die deaf oba a neit broata sei wia zwäif Zantimedda).
Es gibt aufm Foid no mehra Linien ois de Seitn- und Doalinien. Es gibt de Mittllinie, di des Foid in d'Mittn teilt. In da Middn is da Punkt, von dem aus ogstoßn wead. Um den Punkt is a Kreis (Radius 9,15 Medda), in dem beim Ostoß nua zwoa Spuija von dera Monschoft stenga deafa, die a an Ostoß hod. Nohad gibts no de Straufraumlinie, die 16 Medda vom Diarl weg is (kurz: da 16er oder da Straufraum).
[dro werkln] Diarl
S'Diarl muaß 2,44 Meddo houch sei und 7,32 broat.
[dro werkln] Boi
Da Boi muaß a Kuglfoam hom und zwischn 68 und 72 Zantimedda im Umfång hom. Da Boi ist entweder aus am Leder oda am Kunststoff.
[dro werkln] Abseits
Des is wenn a Spieler vo ra Mannschaft da letzte Mo zwischn am Dierl (Tor) und am gegnerischen Dierlmo (Torwart) is und koa Abwehrspieler mehr dazwischen städ. Wenn iatz der Stürma den Boi griagt, wedelt da Schiri-Assi (Schiedsrichter-Assistent) mid seiner Fahna umanand und zoagt a Abseits o. Es kenna a zwoa andre Spieler vo der vadeidigenden Mannschaft zwischam voadersten vo de Ogreifa und am Dierl steha. Des hoaßt, es muass net da Dierlmo dazua ghean. S'Abseits greift oba east ob da Mittellinie.
[dro werkln] Passives Abseits
A Passives Abseits is', wenn a Stürma im Abseits sted, der oba nix mim Spuizug zum doa hod. Dés is dånn à kâ Régüvastoß néd.
[dro werkln] Freistäss
An Freistoß gibts oiwei, wenn a Mannschaft si ned on de Regln hoit. Es gibt dreierlei Oatn von Freistäss:
[dro werkln] Indirekte Freistäss
Bei am indirekten Freistoß deaf da Boi ned glei aufs Dierl gschossn wean, sondan es muas den Boi vorhean no oana berüan. An indirekten Freistoß pfeift da Schiri, wenn de Regelverletzung ned so wuid woa.
[dro werkln] Direkte Freistäss
Bei am direktn Freistoß deaf sofoad aufs Diarl gschossn wean.
[dro werkln] Oifmeta
An Oifmeta pfeift ma, wenn a Foul im Strofraum passiert. Da derf da da Spieler gonz alloa den Boi vum Oifmetapunkt aus ins Diarl schiaßn. Da oanzige, dea eam hindan deaf, is da Diarlmo.
