Gustl Bayrhammer
Aus Wikipedia
Da Adolf Gustav Rupprecht Maximilian Bayrhammer (* 12. Februar 1922 z'Minga; † 24. April 1993 in Krailling) war da boarischa Voiksschauspiela.
Für vui bleibt er bis heit unvergessn. Ob ois "Meister Eder", ois "Tartortkommisar Veigl", ois "Petrus im Brandnerkaspar" oder ois ibazeigenda Dåsteller vo unzäjiger Karaktäre in Serien und Fuim wia Weissblaue Gschichtn, Königlich Bayerisches Amtsgericht, Monacofranze, Komödienstadl und in Ludwig Thoma sein Wittiber war er ned zum ersetztn.
Inhaltsverzeichnis |
[dro werkln] Sei Lem
Da Gustl Bayrhammer is z'Minga aufgwachsn. Obwoi sei Våda á Schauspieler gwen is, woit der ned, dass sei Bua des á werd. Dasejm håd ma Obacht gem miasn zwengs an Verdeanst, der war ois Schauspieler oft recht unsicher. Und desweng war an Gustl sein Voda liaba gwèn, sei Bua war Beamtda worn und hätt somit sei sichers Eikéma. Aber wia ma ålle wissn, is des anders herganga. "Fia mi håd's scho ois Bua nix andres gém ois wia Schauspieler", håd ar amåi gsågt.
Da Gustl håd Kaufmoo glernt und håd na eirucka miassn an Zweitn Wejtkriag. In der Kriagszeit war er aufamoi z'Berlin stationiert und då håd er de Schauspielschui vom Schillertheata unterm Heinrich George bsuacht und 1944 mit 22 Jåhr sein Abschluss gmacht.
Nåchn Kriag is er, wia vui in dera Zeit, mit laáre Händ dågstandn. Da Våda war dout, de Theata z'Minga warn ålle hi, und so håd's'n in de Provinz vaschlång. Auf da Fahrt zu sein erschtn Engagement auf Sigmaringen håd er zerst sein langjahrign Kollegen und Freind, in Toni Berger, und kurz drauf in Sigmaringen sei spadare Frau, d'Irmgard, kéna glernt. 21 Jåhr war er an Provinzbühnen in Sigmaringen, Tübingen, Karlsruhe und Soizburg, bis er 1966 mit'n Rainer Erler sein Fuim Das Bohrloch oder Bayern ist nicht Texas den Durchbruch gschafft håd.
Der Erfolg von dem Fuim bringt eahm an's Münchner Volkstheater und d'Therese Giehse macht eahm den Zuagang zua de Münchner Kammerspiele frei. Von dera Zeit is er an Theatastücken vo Franz Xaver Kroetz, Sperr, Hebbel, Shaw, Fleißer und immer wieder Ludwig Thoma zum seng, à weitere Fuim und Fernsehn- und Radioauftritte foing.
Bundesweit werd er 1972 durch den "Tartortkommisar Melchior Veigl" bekannt. Von då ob, bis zu sein Dout 1993, kån er se vo Angebote nimmer retten und er is vom Bildschirm, von Bühne und Rundfunk und aus de Herzen vo de Zuaschauer nimmer wegzumbringa.
[dro werkln] Preis
- Boarischa Verdienstorden 1976
- Thoma-Medaille vo da Ståd Minga
- Boarischa Fuimpreis 1983
- Bambi 1990
[dro werkln] Fuim
- 1966 Endkampf; mit Fritz Straßner und Ruth Drexel
- 1966 Das Bohrloch oder Bayern ist nicht Texas; Buch und Regie: Rainer Erler; mit Fritz Straßner, Ludwig Schmid-Wildy und Fritz Muliar
- 1968 Der Staudamm (Fernsehserie); mit Walter Sedlmayr
- 1972 Die Lokalbahn; mit Maria Singer, Ludwig Schmid-Wildy, Karl Tischlinger, Michl Lang und Max Grießer
- 1973 Der Mensch Adam Deigl und die Obrigkeit; mit Toni Berger, Fritz Straßner und Willy Harlander
- 1977 Der Wittiber; mit Werner Asam und Udo Thomer
- 1977 Die Jugendstreiche des Knaben Karl; mit Walter Sedlmayr und Beppo Brem
- 1979 Die Münze; mit Fritz Straßner und Willy Schultes
- 1981 Die Grenze
- 1983 Der Schnüffler, mit Dieter Hallervorden
- 1983 Wunderland (TV-Film)
- 1988 Wieviel Liebe braucht der Mensch; Hans Clarin und Erich Hallhuber
- 1991 Stein und Bein; mit Heinz Schubert und Ilse Neubauer
- 1991 Erfolg; mit Bruno Ganz, Franziska Walser, Peter Simonischek, Mathieu Carrière, Thomas Holtzmann und Jutta Speidel
- 1992 Der Unschuldsengel; mit Helmut Fischer und Hans Clarin
- 1993 Pumuckl und der blaue Klabauter; mit Hans Clarin
[dro werkln] Fernsehserien
- 1968–1972 Königlich Bayerisches Amtsgericht – à åis Erzähla; Buch: Georg Lohmeier; mit Hans Baur und Georg Blädel
- 1971–1981 Tatort (Fernsehreihe); mit Helmut Fischer und Willy Harlander
- 1974–1975 Münchner Geschichten; mit Günther Maria Halmer, Therese Giehse und Fritz Straßner
- 1982–1989 Meister Eder und sein Pumuckl; mit Hans Clarin, Toni Berger und Erni Singerl
- 1983–1985 Unsere schönsten Jahre; mit Uschi Glas, Elmar Wepper und Helmut Fischer
- 1983 Monaco Franze - Der ewige Stenz; Buch: Patrick Süskind; mit Helmut Fischer, Ruth Maria Kubitschek, Erni Singerl, Christine Kaufmann, Karl Obermayr, Ruth Drexel, Thomas Gottschalk, Jörg Hube und Gertraud Jesserer
- 1984 Franz Xaver Brunnmayr; mit Veronika Fitz, Maria Singer und Toni Berger
- 1985–1993 Weißblaue Geschichten; mit Hans Clarin
[dro werkln] Theataauftritt
- 1975 Der Brandner Kaspar und das ewig' Leben; mit Toni Berger und Fritz Straßner
- 1973 Die drei Eisbären; mit Maxl Graf und Ludwig Schmid-Wildy
- 1973 Die drei Dorfheiligen; von Max Neal und Max Ferner; Regie: Olf Fischer; mit Marianne Lindner und Gerhart Lippert
- 1974 Das sündige Dorf; von Max Neal; Regie: Olf Fischer; mit Marianne Lindner, Gerhart Lippert, Bernd Helfrich und Ludwig Schmid-Wildy
- 1978 Der alte Feinschmecker; mit Toni Berger und Erni Singerl
- 1981 Spätlese oder Auch der Herbst hat schöne Tage; mit Erni Singerl und Max Grießer
[dro werkln] Hearspui (Auswoi)
- 1979–1985 Die Grandauers und ihre Zeit
