Diskussion:Judntum
Aus Wikipedia
Mêi Leid, dò schdäid s oam a d Hòòr àf, bòi ma des leesd: Da Moses woidd nimmar an gånzzn Dòg fiara Hòiwe Bia umanånnawuaschdln ... an sèèchan Zeich komma dengaschd ned schdê loussn, bòi ma se ned gròd schbuin wui, 'wàà de ånnan jå àà eana Dialèggd-Wiggipedià håmmand'. Und bòi s wiaggla àf Boarisch sâ mou, nå mou ma se schô a wengal ôschdrenga. Schaudds eng zon Beischbui amòi den Såzz ô: "Beide aber Mischna und Talmud hängan von da Halacha ab, wo sovui is wia des jüdische Gsetz. De Halachah beruht wiederum auf de rabbinischen Gsetzgebungen und sonstigen Verfügungen de ma sich so im Laufe der Zeit ausdacht hod. Des woi bekanntesten Werk is da Schulchan Aruch." - Des schaugd amendd fiaran Breissn aus wäi Boarisch, òwa sâ doud s nix: ned Deidsch und ned Boarisch. Äizz kone blous no hoffa, dås me àà èbba voschdèd, dem wo s ned wuaschd is. I schdudia no und hon wiaggla ned de Zeid dazou, dås e dò s Ausbessan ôfångad, wàà dò wearad e woascheinds nimma fiadde - und lesn kàndd ma s àà schlèchd, bòi e eale bin. (Bòi s èbba wissn mèchd: I bin z Bong dahoam, des is bo Schdrauwing en Nidabaian.)
-
- Wer imma das d áá bist: Dãngsché, dass d di fiă des ãgnumma håst!--Zwentibold 21:52, 30. Nov. 2007 (CET)
