Kina
Aus Wikipedia
 |
Der Àrtikl is im Dialekt „Owaöstareichisch“ gschriem worn. | |
| 中华人民共和国 Zhōnghuá Rénmín Gònghéguó |
|||||
|
|||||
| Ãmtsspråch | Hochkinesisch (Mandarin)¹ | ||||
| Hauptstådt | Peking (Beijing) | ||||
| Stååtsform | Foiksrepublik | ||||
| Stååtsobahaupt | Hu Jintao | ||||
| Regiarungsschef | Wen Jiabao | ||||
| Flächn | 9.597.985 (4.) km² | ||||
| Eînwohnazåih | 1,321 Mrd. (Juli 2006 ) (1.) | ||||
| Bevökarungsdichtn | 137,6 Eînwohna pro km² | ||||
| BIP - Total (PPP) |
2005 $8.091 Mrd. (2.) |
||||
| Währung | Yuan Renminbi² | ||||
| Grindung | 1. Oktober 1949 | ||||
| Nazionàlhymne | Marsch fu de Fraiwilign | ||||
| Zeitzone | UTC+8 = MEZ+7 | ||||
| Internet-TLD | .cn | ||||
| Telefonvorwåih | +86 | ||||
| (¹) Kantonesisch und Englisch bzw. Poatugisisch san zsãm mid Mandarin dé Ãmtschbråchn fu de Sondafawåitungszonen Hongkong und Macao.
(²) Da Hongkong-Dollar bzw. Pataca san de ofiziele Wearung in Hongkong und Macao |
|||||
 |
|||||
D Foiksrepublik Kina (chinesisch Zhōnghuá Rénmín Gònghéguó), maistns sågt ma neta Kina, is mid 1,3 Miliardn Ainwona s Lãnd mid dé olamaistn Laid auf da gãnzn Wød iwahaupst. Aussadém is Kina fu da Flech hea s gresde Lãnd fu Ostasien und insgesãmt s fiatgresde Lãnd auf da Wød (nåch Russlãnd, Kanada und de USA). Da Nãm Kina kimd genau so wia de latainische Iwasezung Sina (Sinologi) woaschainli fu da Qin-Dinasti. Iwa mearane Schdazionen und Schbråchn is dés Woat Qin entlãng fu da Saidnschdråssn bis nåch Airopa kema und doat in faschidane Ausschbråchfoamen aufgnuma woan. Auf Boarisch und a auf Hochdaidsch sågt ma in Ésdaraich und Siddaidschlãnd åwa Kina mid K am Ãnfãng.
S kinesiche Equivalent zu unsam Woat Kina is Zhōngguó, wås wöatlich iwasézt ungefea "s Raich in da Mitn" hoast. D Foiksrepublik Kina umfåsst haid praktisch dés gãnze kulturel und geografisch ois kinesisch bekãnte Gebit in Asien, mid Ausnãm fu Taiwan und a boa klõane Insln foa da Küstn fu Fujian.
Said da Gründung 1949, wia im kinesischn Biagakriag dé anti-komunisdische Kuomintang gschlång woa und ins haidige Taiwan gflücht is, wiad d Foiksrepublik fu da Komunistischn Boatai vo Kina regiad. Da politische Schdatus fu Taiwan is nåch wia foa umschdridn; de mid 23 Milionen Laid dicht befökate Insl Taiwan hoast ofiziel Republik Kina.
Zum untaschaidn fu dé zwoa fawent ma infoamel auf Hochdaidsch a in Begrif "Rotchina" und auf Englisch "Mainland China" (Festlãnd Kina). Ole zwoa Begrife schliassn semantisch åwa de zwoa Sondafawåitungszonen im Südn, nemlich dés 1997 fum Faainigtn Kiniraich zruk gewane Hong Kong und dés 1999 fu Poatugal zruk gewane Macau aus, wai doat a nåch wia foa ãndare Gsez in Kråft san wia im Rest fu Kina.
S Schdådsgebit fu Kina is in 22 Provinzn untadailt, fünf autonome Regionen, vier regiarungsunmitlboare Schdéd und zwoa Sondafawoatungszonen. Dé drai flechnmessig grestn Regionen Xinjiang, Tibet und de Inare Mongolai måch dafã åwa alõa schã fåst d Høfsde fu gãns Kina aus. Dés san åwa a de am dünstn besidltn Regionen fu Kina und hãm insgesãmt neta vier Prozent fu da Gesãmtbefölkarung. Damid dé Zåi fu de Ainwona néd waida so schnø zua nimd, håd d Regiarung a "Neta-Õa-Kind" Gsez in Kråft gsézt, wås åwa gråd in dé lezdn Joa wida weniga schdreng duachzong woan is, wai s grose Føplanungen gém håd und gfealiche demografische Unsimetrin entschdãndn san. S Wågsdum fu da Befölkarung håd si åwa in dé lezdn Joazent fu drei auf â Prozent pro Joa reduziad. Drozdém håd Kina zum Beispüi mea Ainwona wia de USA und de EU zãm.
D Foiksrepublik Kina is bis in dé 90a Joa ois Entwiklungslãnd klassifiziad woan, obwoi si si schã said da wiatschåftlichn Libaralisiarung nåchn da Kultuarewoluzion und n Tod fum Mao oiwai schnøla zu ana Grosmåcht entwükit. Nåch aussn fadrit d Regiarung fu da Foiksrepublik de "Neta-Õa-Kina" Politik, mid dém Zü, das a intanazional ãneakãnt wiad, dass neta õan kinesischn Schdåd gibt und Taiwan aigentlich a åbtrünige Provinz is. Wiatschåftlich is Kina haid so a dinamischs Lãnd, das im aktueln 5-Joares-Plan sogoa schã a Âibremsn fum Wiatschåftswågsdum âiplant woan is.
