Klippm vu Moher
Aus Wikipedia
 |
Der Àrtikl is im Dialekt „Owaöstareichisch“ gschriem worn. | |
De Klippm vu Moher (af irisch: Aillte an Mhothair) san a Natuawunda und a Sehnswürdigkeit im irischn County Clare. Se ling an da Atlantikküstn, oiso im Westn vu da Insl, und san mit bis zu ana Hechn vu 214 Meta a vu de hechstn und außadem steilstn in Eiropa. Se eastreckn si auf a Läng vu ocht Kilometa zwischn de Deafi Doolin und Liscannor.
In da Klippnregion lem um de 30.000 Vegi vu um de 30 Oatn - voa oim Papageintaucha, Möwn und Alks.
Fia de Touristn hot ma an Parkplotz, a klane Promenade mit Glanda und a Plottfoam baut, damit ma si des Natuawunda aa oschau kau. Stöllnweis san de Klippn oba net gsichat, duat hot ma oba dafia freie Sicht.
De Klippm vu Moher san sicha de bekaunntestn vu Ialaund, oba net de hechstn. De Slieve League und nu äaga de Klippm vu Croaghaun weida nerdli san oba touristisch net easchlossn.
