Kraxln
Aus Wikipedia
Beim Kraxln ko ma grundsätzlich zwoa Oatn vo untaschein: as richtige Kraxln auf de Wänd (hochdeitsch: Klettern), und as Beagsteing (hochdeitsch: Bergwandern). Kraxln ko ma zum Spass machn, oda ois a spoadliche Herausforderung.
Inhaltsverzeichnis |
[dro werkln] Wos ma midnemma soidd
Beim Beagsteing braucht ma nur gscheide Schua, an Rucksack, gnuag warms Gwand fois as Weda umschlogt, gnua zum Dringa fois ma recht schwitzt und wann ma mog aa no an Stock und a Brotzeit. Ma ko aa auf ra Hittn eikehrn, fois oane aufm Weg liagt und bewiatschaft' is.
Fürs echte Kraxln braucht ma no an Hoim,an guadn Kraxlgiadl,a boar Seil,a boa Exn, a boar Karabina, vielleicht an Hammer, Expressschlingen und an Haufa mehr, jenachdem, wo ma unterwegs is, und obs über d Nocht geht, und obs a Zwoadausnda is, oda a Ochtdausenda.
[dro werkln] Risiko
Beagsteing und Kraxln is ned ungfährlich. De Hauptgründ für tödliche Unfäll san Stolpan, Ausrutschn und Absturz (64%), Übalastung und Erschöpfung (21%) und da Rest teilt se auf in Orientierungsvalust, Stoa- und Blitzschlog, Hitzn und Käitn oda Lawina. Dodabei san tödliche Unfäll grod beim scheinbar ungfährlichn "Beagwandan" häufig. Seitna passiert bei richtige Hochtourn oda beim Sportkraxln wos, wos jo meistns vo erfahrne Kraxla mit guada Ausristung oganga werd.
[dro werkln] Worauf ma ochtn suit
- Sei eigne Kondition ned z'houch eischätzn. Wann's mim Weda oda da Kondition ned guad ausschaugt, liaba glei umdraahn.
- Allaweil gnua trocknes Zeigl zum Oziagn dabei hom, nachm Zwiebelschalenprinzip oziagn.
- Ma muass scho aufd Natur ochten, damit's dahoitn bleibt. Des hoasst: koa Bleame brogga, aufm Weg bleim und de wuidn Viecha in Ruah lossn.
- Wa'ma Mitglied in am Oipnvarein wia am DAV, OeAV,AVS oder de Naturfreind is, gebts Ausrüstung und Übernachtung in Hüttn fui billiga.
[dro werkln] Wo si's zum Aufisteing lohnt
Kraxln und Beagsteing ko ma ibaroi in de Oipn, und aa in manche Mittlgebirg. Natialich gebt's bsundas scheene oda bekannte Beag.
[dro werkln] Baian
- Herzogstand
- Watzmoo - bekannt fia d' Watzmann-Ostwand
- Kampenwand
- Spitzstoa
- Benewand
- Woiberg
- Karwendl
- Wedastoa
- Waxnstoa
- Zugspitz
- Oipspitz
[dro werkln] Öschdareich
- Untasbeag
- Dochstoa
- Hohe Tauern
- Ötzdoia Oipm
- Schdubai
- Zilladoia Oipm
[dro werkln] Sidtiroul
- Dolomitn
- Rosngartn
- Ortler
- Drei Zinnen
