Mühvierdl
Aus Wikipedia
 |
Der Àrtikl is im Dialekt „Mühviertlarisch“ gschriem worn. | |
| Karte | |
|---|---|
 |
S Mühvierdl is oas va di vier Vierdln va Owaestareich und ligt nördlich va da Doana
[dro werkln] Geografie
Es grenzt in Westn on Deitschlond, in Nordn on d Tschechei und in Osten on Niederestereich. Van Naturraum her, gherts zan Granit- und Gneishochlånd va da Bemischn Masse. Da hechsti Berg is mit 1.378 m da Plöcknstoa in Bemawoid. Flåch is in Mühvierdl netta zwischn Åscha und und Ottnsheim, des ghert owa naturräumlich eigentli zan Eferdinger Becken, a wons herenta da Doana ligt.
Da geologische Intergrund van Müvierdl is da Granit, d Bå und d Fliss rinand, mit Ausnom va a por kloani Bachön gonzn in Nordn, weng da Europäischn Wåsserscheide, die durn Bemawoid ged, Richtung Doana.
Da Nåm van Mühvierdl kimt va die Fliss Greossi Müh, Kloani Müh und Stoanani Müh, di durrinand. Des heidige Mühvierdl is zomglegt won, van di seit 1478 nördli va da Doana bestehendn Vierdl Mühvierdl und Machlåndvierdl, wobei di Grenz zwischn de zwoa da Håslgråm gwen is. No dems 1779 min Friedn va Teschn in Zweschknrumö afghengt homd, is s Înnvierdl za Owaestareich kema, und dass weida vier Vierdl gibt, homds di zwoa owan zomglegt.
In Mühviadl gibts vier Bezirke:
- Bezirk Reowa
- Bezirk Urfa-Umgebung
- Bezirk Freistådt
- Bezirk Perg
Außadem ghert der Taö va Linz, der nördli va da Doana ligt a zan Mühvierdl.
