Murnau
Aus Wikipedia
| Murnau a.Staffelsee |
||
| Wåppn | Kårtn | |
|---|---|---|
 |
|
|
| Basisdàtn | ||
| Bundeslònd: | Bayern | |
| Regiarungsbezirk: | Oberbayern | |
| Lòndkroas: | Garmisch-Partenkirchen | |
| Koordinàtn: | Koordinaten: -BY 47° 41′ N, 11° 12′ O -BY 47° 41′ N, 11° 12′ O | |
| Hèh: | 650–730 m ü. NN | |
| Flächn: | 38,05 km² | |
| Eiwohna: | 12.051 (31. Dez.. 2006) | |
| Bevèikarungsdichtn: | 317 Eiwohna pro km² | |
| Postleitzòih: | 82418 | |
| Vorwòihna: | 0 8841 | |
| Kfz-Kennzeicha: | GAP | |
| Gmoaschlissl: | 09 1 80 124 | |
| Adress vo da Marktvawòitung: |
Untermarkt 13 82418 Murnau a.Staffelsee |
|
| Webseitn: | ||
| Politik | ||
| Burgamoasta: | Michael Rapp, CSU - | |
Murnau am Staffesee (hochdeitsch: Murnau am Staffelsee) is a Markt im oberboarischn Landkreis Garmisch-Partenkira und gehert historisch zum Werdenfelsa Land. Murnau liegt im Bereich vom Alpnvorland ca. 70 km südli vo Minga. Da Staffesee grenzt direkt an den westlichn Oatsrand o.
Inhaltsverzeichnis |
[dro werkln] Gschichte
11. Jahrhundert und davoa
De Gengad um Murnau is bereits in vorchristlicha Zeit bsiedelt gwen, wei bereits zua Zeit vo de Röma a Handelsweg, de sogenannte Rottstraße, von Bozn iban Brennerpass und de obere Isar und Loisachtoi existiert håt, de bis ins 19. Jahrhunderts Bestand ghabt håt. Auf dem mittlerweile abtragna Moosberg im Murnaua Moos findn si sogar Zeichn Keltischa Besiedlung. Damals war Murnau ned mehra ois a befestigte Poststation mit dem Nama Murau oda Mureau. Da Nam, aus dem si spada Murnau bildet håt, war auf des iatzige Murnaua Moos (Mure) und des Loisachtoi (Aue) bezogn.
12. bis 16. Jahrhundert
Murnau werd um 1150 des erste Moi urkundli erwähnt. Um 1300 werd de Kira St. Nikolaus erstmois in am Schriftstück gnennt. De erste urkundliche Nennung vo da Burg Murnau erfolgt 1324. Ludwig da Brandenburga bestätigt 1350 am Markt Murnau an Bluatbann, des Niederlagrecht, den Wochenmarkt am Mittwoch und den Michaelimarkt. Um 1400 erhoit Ettoi fia sei Gricht Murnau de bis dahi vom Landgricht Weilheim ausgübte Hoachgrichtsbarkeit. De erste Oatsansicht (vo, Schloss) von Philip Apian datiert aus dem Jahr 1560.
17. und 18. Jahrhundert
1632–1648: Besetzung durch Schwedn und Franzosn und Eiquartierunga vo kaiserliche Truppn während am Dreißigjährign Kriag. 1634 bricht de Pest aus. De Kira St. Nikolaus werd vo 1717–1734 nei erbaut. 1722 werd da Leonhardi- und da Skapuliarmarkt bewilligt.
19. Jahrhundert
1803 werd des Klosta Ettal säkularisiert und des Landgricht Murnau aufghom. Murnau werd dem Landgricht Weilheim zuagordnet. Des Rathaus werd 1842 nei baut. Mitte vom 19. Jahrhundert werd fast de komplette Bausubstanz vo Murnau in am Stadtbrand zerstört. Der oschliaßende Wiedaaufbau erklärt des heitige gschlossne Oatsbild. 1879 is de Bahnlinie Weilheim–Murnau eröffnet worn, 1889 de Bahnlinie Murnau-Garmisch. 1900 war de Eröffnung vo da Bahnlinie Murnau-Oberammergau.
20. Jahrhundert
Ofang des 20. Jahrhunderts werd auf Initiative Emanul von Seidls des Oatsbild verändert. Gabriele Münter kauft 1909 des „Russn-Haus“, da Wassily Kandinsky ziagt ei. Von 1923 bis 1933 lebt und wirkt da Schriftstäia Ödön von Hoaváth in Murnau. 1924 werd a private Höhere Mädchenschule (späta Gymnosium) gegründet. Des neie Krankenhaus, gstiftet von Dr. h. c. James Loeb, werd 1932 erbaut. In da Zeit des Drittn Reichs is in Murnau erstmois a Garnison (Gebirgstruppe) entstandn. Christoph Probst,oa 1919 in Murnau geborns Mitgliad vo da Weißn Rose, werd 1943 in Minga hingrichtet.
1953 werd de Berufsgenossenschoftliche Unfoiklinik im Südostn vom Oat eröffnet, de seitdem ständig erweitert worn is. Des Goethe-Institut öffnet 1954 sei Pfoatn. Des Staffesee-Gymnasium werd 1967 zua Voischule ausgebaut. 1972 werd Murnau vom Landkreis Weilheim åtrennt und Garmisch-Partenkirchn zuagordnet. Des Murnaua Moos werd 1980 Naturschutzgebiet. 1993 werd des Schlossmuseum eröffnet. Von 1998 bis 2000 werd da historische Oatskern saniert. Des umgstaltete Münterhaus werd 1999 wiedaeröffnet. 2000 wern Fußgängazone und Diafgarag eigweiht.
Murnau war zuadem Garnisonsstådt da Bundeswehr und Standoat vo da Gebirgsjagerbrigade 22, ab 1981 Panzergrenadierbrigade 22, spada Panzerbrigade 22, de da 1. Gebirgsjagerdivision in Garmisch-Partenkirchn unterstäit war. Am 21. März 1993 is de Oaheit aufglöst worn.
21. Jahrhundert
2001 folgn de Eiweihung vom neia Kurpark und vom Münter-Platz sowia vom neia Staffesee-Gymnasium.
[dro werkln] Infrostruktur
Verkehrsverbindunga
- Bahnstrecke Minga–Garmisch-Partenkira
- Ammergaubahn nach Oberammergau
- Busverbindunga mit dea RVO Regionalverkehr Oberboaern GmbH
- Bundesstraß 2
- Bundesautobahn 95
Schuin
- Staffesee-Gymnasium
- Emaul-von-Seidl-Grundschui Murnau
- James-Loeb-Grundschui Murnau
- Max-Dingla-Hauptschui
Krankenhäusa
- Berufsgenossenschoftliche Unfoiklinik Murnau
- Interne Klinik des Kreiskrankenhauses Garmisch-Partenkirchn in Murnau
- Klinik Houchried (Fachklinik fia Kinda- und Jugendmedizin)
[dro werkln] Tourismus
[dro werkln] Sehenswürdigkeitn
- Denkmalgschützta Oba- und Untamarkt mit Mariensäule
- Pfarrkira St. Nikolaus
- Ramsachkircherl
- Schlossmuseum
- Münter-Haus
- Freilichtmuseum Glentleitn (Groaßweil, 5 km)
[dro werkln] Persönlichkeitn
[dro werkln] Buam und Töchta vo da Stadt
- Placidus von Camerloha (1718–1782), Komponist
- Johann Michael Wittma (1802–1880), Mala
- Christoph Probst (1919–1943), Widastandskämpfa, Mitgliad dea Weißn Rose
- Thomos Oida (1932–1968), Schauspiela
- Wolf Nöhrn (* 1944), Architekt und Designa
[dro werkln] Andane Persönlichkeitn
- Wassily Kandinsky (1866–1944), håt zeitweis in da Stådt glebt
- Gabriele Münter (1877–1962), Kandinskys Lebensgefährtin, is in Murnau gstorm
- Walta von Molo (1880–1958), Schriftstäia, is in Murnau gstorm
- Oifred Fischa (1881–1950), Architekt, is in Murnau gstorm
- Fritz Windgossn (1883–1963), Tenoasänga, is in Murnau gstorm
- Else Hueck-Dehio (1897–1976), Schriftstäierin, is in Murnau gstorm
- Erna Sog (1898–1972), Kammasängarin, håt 1956–1966 in Murnau glebt
- Ödön von Hoaváth (1901–1938), Schriftstäia, håt in de 1920a Jahr bei seine Eltern in Murnau glebt
- Hans Baumann (1914–1988), NS-Liadschreiba und Jugendbuchautoa
- Josef Ertl (1925–2000), Bundeslandwirtschaftsminista, is in Murnau gstorm
- Wolfgang Ecke (1927–1983), Schriftstäia, is in Murnau gstorm
- Kurt Sontheima, (1928–2005), Politikwissnschaftla, is in Murnau gstorm
- Nikolaus Lang (* 1941), Künstla
- Wilhelm Manske (* 1951), Schauspuia
- Julia Palma-Stoi (1984–2005), Schauspuiarin, is in Murnau nach am Unfoi gstorm
- Bernhard Künzl
Da Filmregisseur Friedrich Wilhelm Murnau (eigentli Friedrich Wilhelm Plumpe) håt si nach dem Oat gnennt.
[dro werkln] Sonstigs
In Murnau is 1989 des erste Elektronische Stellwerk in Deitschland in Regelbetrieb gnumma worn. In Murnau is aa de Werdenfelsa Kasern, de des ca. 500 Mann starke Führungsunterstützungsbataillon 293 beherbergt. De Kemmelkasern is 1935 erbaut worn. Da Nam stammt vom Kemmelberg in Belgien. Murnau is Schauplatz vo da SAT1-Serie Stådt, Land, Mord.
[dro werkln] Literatur
- Das Münter-Haus in Murnau (März 2000, ISBN 3791323199)
- Wassily Kandinsky und Gabriele Münter in Murnau und Kochel 1902–1914 (August 2000, ISBN 3791324489)
- Blaues Land. Die Voralpen zwischen Murnau und Kochel (Juli 1996, ISBN 3485006904)
- Murnau wie es kaum einer kennt (Mai 2003, ISBN 3897025612)
- Kath. Pfarrkirche St. Nikolaus Murnau (ISBN 3795442893)
- Schlossmuseum Murnau (ISBN 3980381617)
- Schloss Murnau – Ein Bauwerk der Stauferzeit und seine Geschichte (ISBN 3980381633)
[dro werkln] Weblinks
- Murnau: Wappengeschichte vom Haus der Bayerischen Geschichte
- Virtueller Rundgang durch Murnau
- Das Münterhaus in Murnau
- Webcam: Blick auf den Obermarkt
