Scherzl
Aus Wikipedia
 |
Der Àrtikl is im Dialekt „Obaboarisch“ gschriem worn. | |
Scherzl sågt ma zum erschtn und zum letztn Trumm vo am Loab Brot oda sunst am Lebensmittl in da Form vo am Loab, des wo ma nimma weida aufschnein ko (oda wui). Weils Scherzl da Anfang oda da Schluss vo dem Loab is, håds an oana Seitn a komplette Rindn und ned nua wie de Scheim aus da Mittn a kloane Rindn am Rand. Des is des Resche an am Brotscherzl oda aa beim Lebakas, wås vui Leid a so schmeckt. Andane mengs genau desweng går ned. Bei am Kasloab gibt's aar a Scherzl, aba då is meistns a Haud umi, de wo ma ned essn ko und de wo ågschäid wean muaß.
Da Nåm Scherzl kummt vo italienischn Wort scorza, wos Rindn hoasst.
