Schmoiznudl
Aus Wikipedia
A Schmoiznudl, in Baiern aa Auszongne oda Nackade gnennt, is a Gebäck aus am Hepfadoag, des in hoassm Fett rausbacha wead. Auf Standarddeitsch is des a Art vo de Krapfn.
A Schmoiznudl is im Prinzip wiara siaßa Hepfadoag füan Krapn, blos wead dea Doag üwam siadadn Fett üwan Handruckn zua na flachn, dellaföamign Scheim zong, wobei da äissane Rand wesntlich dicka bleim soit wia des innare. Nochm bacha, eigentle eha "frittiern", soit dea Doag ringsrum schee hellbraun und locka aufganga sei und in da Mittn a ganz an dünne Scheim reschn Doags sei, de a vo da Farb hea vui hella is wia da ring aussnrum.
[dro werkln] Zum Nam
Im Boarischn nennt ma jeds Fett, des aus am Viech gwunna werd, a Schmoiz. Im oafachstn Foi is des as ausglassne Fett ausm Sauspeck, drum wead des in Bayern fast mit Schmoiz gleichgsetzt. A andane Möglichkeit war des auslassn und läitan vom Butta und damit de Gwinnung vom Buttaschmoiz.
[dro werkln] Zum Gschmack und Nährweat
Des Fett, in dem de Schmoiznudln rausbacha wern, spuit natürle a ziemliche Roin aufn Gschmack. Je feina des Fett im Gschmack is, desto bessa schmeckt so a Schmoiznudl. Wichtig an am Fett zum rausbacha von Gebäck is zum andan a no, wia hoass daß wead, ohne vabrennt zum schmecka. Deszweng wern Schmoiznudln heidztog vo de Bäcker kaum meah mid am echtn Schmoiz bacha, sondan mit am neutral schmeckadn Öl (wia Sonnenblumenöl), oda am pflanzlichn Fett wia am Erdnussschmoiz.
De Schmoiznudl is duach ihrn meist recht hohn Fettghoit und wei's fast imma mit Zucka ogricht wead, a recht nahrhafte Speis. Sie is in Baiern a recht beliebte Zwischnmoizeit im Biergartn oda untawegs.
