Stammtisch
Aus Wikipedia
 |
Der Àrtikl is im Dialekt „Obaboarisch“ gschriem worn. | |
Ois Stammtisch ko ma a Gruppn vo Leid bzeichna, de se des öfftan in na Wirtschaft treffn. Der Tisch, an dem de hocka, hoaßt natürli a Stammtisch, nachdem hoaßt ja a de Gruppn.
In vui Wirtschaftn is da Stammtisch glei zum dakenna, wei a entsprechends Tafal draufsteht oda driabahengt. Ab und diam liast ma do den Spruch "Do hocka de, de ollaweil do hocka". Dea Spruch bschreibt recht schee de Art der Zughörigkeit. A Stammtisch is a vui lockerne Gruppn, wia z.B. a Verein.
Beim traditionelln Stammtisch guid's ois unhöflich, wenn ma si ois Fremda an an laarn, genauso wia zu am bsetztn Stammtisch dazua hockt.
A bsundane Form vom Stammtisch is da Frühschoppn, do treffan se d'Leid am Sonntag noch da Kirch zum Weißwuarschtfrühstück.
Oft werd am Stammtisch Kartn gspuit, meist Schafkopf.
Neba de tradtionelln Stammtisch kimmts a imma mehr dazua, daß se fremde Leid mit gemeinsame Intaressn treffa. Z.B. gibt's in vui Städtn an Wikipedia-Stammtisch. In dene Fäll han neie Leid gern gseng.
