Vöcklabruck

Aus Wikipedia

Der Àrtikl is im Dialekt „Owaöstareichisch“ gschriem worn.

Vöcklabruck is d'Hauptståd vo dem Bezirk im Hausruckviertl im südwestlichn Owaöstareich, der wås á genauso háßt. Dé Ståd is in da Mittn vom Åipnvorlånd auf so ungefähr 433 Meta üwan Meer. Se is direkt am Fluss Vöckla, wia á da Nåm scho sågt, und is da Mittlpunkt vo da Vöckla-Aga-Senkn: Dés is da zweitwichtigste Wirtschåftsraum vo Owaöstareich. Außadem iss a wichtige Ståd fir d'Vawåitung, firs Eikaufn und firs Schuigeh.

Weis a so in da Nähe vo de Såizkåmmaguad-Seen is (Attasee, Traunsee, Mondsee und so weida), nennans Vöcklabruck á s'"Tirl zan Såizkåmmaguad", vor åim in da Fremdnvakehrswerbung. Bei da Voikszöhlung im Jåhr 2001 håm in Vöcklabruck 11.715 Leid gwohnd.