Zdob şi Zdub
Aus Wikipedia
 |
Der Àrtikl is im Dialekt „Owaöstareichisch“ gschriem worn. | |
| Zdob şi Zdub | |
|---|---|
| da Start: | 1994 |
| Genre: | Crossover/Rock/Hiphop/Folk |
| Webseitn: | zdob-si-zdub.com |
| Mitglieda | |
| G'sang: | Roman Iagupov |
| E-Gitar: | Igor Buzurniuc |
| E-Båss, Tuba: | Mihai Gîncu |
| Trommin: | Anatol Pugaci |
| Trompetn: | Valeriu Mazîlu |
| Posaun, Flötn: | Victor Dandeş |
Zdob şi Zdub (in da kyrillischn Schreibweis: Здоб ши Здуб) is a moldawische Musikgruppn, de wos Hardcore Punk, Hiphop und tradizjonelle Musi aus eanara Hoamat, oiso voa oim Zigeinamusi, mitanaunda kombinian. De Gruppn gibts seitm 1994a-Joa.
Wia Moldawien 2005 s'erste Moi beim Eurovision Song Contest mitgmocht hod, woan Zdob şi Zdub de eastn Vatreta vu iam Laund und haum glei an sextn Plotz eigsunga. Eana Liadl hod Bunica bate doba ghoaßn ("d'Oma schlogt de Trommi").
[dro werkln] Gschicht
Wias augfaunga haum, haums nu weniga de tradizjonelln Elemente eibaut ghobt und aa nu af Russisch gsunga. Um 1998 umanaund haums daun vastäakt mitm Crossover augfaunga, und seitdem singans fost netta nu auf Rumänisch.
Seitdem is de Gruppn vü ummanaundagetourt und hod dabei aa schau in Deitschlaund und Hollaund Auftritte ghobt, und natiali in eanara Heimat, in Rumänien, da Ukraine und in Russlaund. Außadem sans schau ois Aufwäamband fia d'Red Hot Chili Peppers und Rage Against The Machine auftretn.
[dro werkln] Diskografie
- "Hardcore Moldovenesc" (Moldawischa Hardcore)
- "Tabăra Noastră" (Unsa Låga)
- "Zdubii bateţi tare"
- "Remix"
- "Agroromantica"
- "450 De Oi" (450 Lammpin)
- "Ethnomecanica"
