Zheng He

Aus Wikipedia

Da Zhèng Hé (Vorlage:Zh), Geburtsnam Mǎ Sānbǎo (Vorlage:Zh), muslimischa Nama Hajji Mahmud Shams (* 1371 in Kunming in da Provinz Yunnan; † 1433 oder 1435) war a chinesischer Admiral.

Da Zheng He håd mit große Flottn zwischn 1405 und 1433 siebn große Expeditionn inn Pazifik und an Indischn Ozean untanumma. Dabei håd er ned nur erfolgreich as Piratenunwesen bekämpft, sondan a d'Meere bis nach Arabien und Ostafrika erforscht. Seine Dschunken, de mit nei Masten angebli zu de größtn Holzschiffe vo alle Zeitn ghört håm, håm dabei mehr als 50.000 Kilometa zruckglegt.^[1]

Sei Beinam San Bao (Vorlage:Zh) hod Spekulationn darüba ausglöst, dass da Muslim Zheng He as historische Vorbild für d'arabische Sagengstalt Sindbad da Seefahra gwesen sei kannt.

Inhaltsverzeichnis 1 Lebn und Reisn vom Zheng He 1.1 Kindheit und Afstieg 1.2 Schiffe, Navigation 2 Jubiläum 3 Literatur 3.1 Spekulationen über weitere Reisen vo da Schatzflotte 4 Weblinks 5 Quellen 6 Siehe auch

[dro werkln] Lebn und Reisn vom Zheng He

[dro werkln] Kindheit und Afstieg

Da Zheng He is zur Zeit voda Ming-Dynastie in Kunyang, am heiting Puning, in da südchinesischn Provinz Yunnan als Sohn vo eina muslimischn Familie gboren worn. Sei Geburtsnama war Ma He. Er war a direkta Nachkomme – in sechsta Generation – vom berühmtn, in de Dienstn vo de Mongoln stehendn Minista Sayyid ’Umar Shams al-Dīn (1211-1279), dem seine Vorfahrn ursprüngli aus Buchara gstammt san und als Nachfahrn vom Mohammed goitn håm. Sein Großvater und Vater ham, als gläubige Muslime, ålle zwoa d'Hadsch, d'Pilgerfahrt nach Mekka, absolviert ghåbt. Im Jahre Hongwu 15 (1382) is er als elfjähriga Junge in Gfangenschaft vo de Ming-Truppn kumma, de grad d'Provinz Yunnan bfriedet håm. Mit 13 Jahrn is er kastriert worn und als Diena zunächst ann Hof vom Prinzn von Yan, Zhu Di, kumma, der späta als Cheng Zu da Yongle-Kaiser (1403-1424) vo da Ming-Dynastie werdn sullt.

Da Ma He håd si als außergewöhnlicha Diena zoagt und is in da Kriegskunst und Diplomatie untawiesn worn. Da Prinz Zhu Di håd am Ma He an neia Nama Zheng He (Cheng Ho) gem, nachdem as Pferd vom Eunuchn in ana Schlacht bei Zhenglunba gtötet worn is. Als weitera Nama vom Zheng He tritt San Bao af, was „drei Juwelen“ bdeitet. Da Zheng He war nach de Berichte a imposante Erscheinung. Er soll üba zwei Meta groß und sehr bleibt gwen sei (was bei Kastration vor Beendigung vom Wachstum sehr glaubhaft is) und a tiefe oda aba sehr durchdringnde Stimme ghabt ham (Kastration nachm Stimmbruch?).

Als da Prinz Zhu Di im Jahr 1402 Kaisa gworn is, håd des a an erheblichn Machtzuwachs fürn Zheng He bedeit'. 1403 håd da Kaisa ihn zum Admiral ernånnt und bfoin, a Flotte vo Schatzschiffe zum baun und damit d'Gewässa rund um China zum erkundn. Da Admiral Zheng He war da erste Eunuch, der a so hohe militärische Position in China bkleidet hod.

Vermutlich håd er af seine Reisn a Glas mit seim Gmächt mitgfiahrd, damit er im Fall vo am Unglück wenigstns im Jenseits wieda "ein ganzer Mann" sei ko.

[dro werkln] Schiffe, Navigation

D'Flottn vom Zheng He håm aus Schiffe vo vaschiedena Bauweise bståndn, darunta riesige Dschunkn, de „Schatzschiffe“, de nach alte chinesische Chronikn Maße vo bis zu 120 Meta Länge und 50 Meta Breite ghåbt håm. Alladings legt de moderne Forschung üba d'Schatzflotte nahe, dass de Größnangabn wohl stark übatriebn sand und d'größtn Schatzschiffe nur etwa 59 bis 84 Meta^[2] groß warn. Sie warn d'Flaggschiffe vo da Flotte und san in Nanjing am Jangtse in Trockendocks baut worn. Um de Schiffe hochseetüchtig zu machn, san sie in Schottenbauweise gfertigt worn. ^[1]

Unter de Schiffe warn a große Pferdeschiffe, de nur Pferde transportiert håm, Wasserschiffe, de nur Frischwasser für de Besatzung bfördat håm, Versorga und Kriegsschiffe. Zu de Versorgungsschiffn håm a Agrarschiffe gherd, af dene Mungbohnenkeime obaut worn san. Unwissentli is so für d'Mannschaftn d'Gfahr, af hoher See an Skorbut zu erkrankn, drastisch varingat worn. ^[1] Die Flotte håd tausende vo Tonnen chinesische Handelsgüter an Bord ghåbt. Zur Navigation is scho da Kompass bnutzt worn, der in China im 11. Jahrhundert erfundn worn is. Markierte Räucherstäbchen håms als Uhrn hergnumma. Jeda Tag håd zehn Wachn zu je 2,4 Stundn (2 h : 24 min) umfåsst. De geografische Breite is durch Messung vo da astronomischn Höhe vom Polarstern im Nordn und vom Kreuz vom Süden af da Südhalbkugel ermittelt worn.

[dro werkln] Jubiläum

Am Zheng seine Reisn san im Jahr 2005 gfeiat worn. In Qingdao is am 24. Mai 2005 d'Grüne Augenbraue in See gstochn, Nachbau vo oam vo de klearnan Seeschiff vo da historischn Flotte, um nach 40 Tagn in chinesische Küstengewässa 17 asiatische und afrikanische Häfn so anzulaufn wie vor exakt 600 Jahr da große Zheng.

Emso håd si vo Taiwan aus a private Expedition af seine Spurn afn Weg gmåcht. In Nanjing is af seim unscheinbarm Grab a Statue errichtet worn, de trägt d'Inschrift Allahu akbar.

[dro werkln] Literatur

• Jacques Gernet : Le monde chinois. 2. L'époque moderne X siècle - XIX siècle, Armand Colin, Paris, 2005,ISBN 2-266-16133-4
• Geoffrey J. Martin, Preston E. James: All Possible Worlds. A History of Geographical Ideas. Odyssey Pr., Indianapolis 1972, John Wiley & Sons, New York 1993, Oxford University Press, New York 2005. ISBN 0-471-06121-2, ISBN 0-19-516870-4
• J.V. Mills (Hrsg.): Ma Huan. Ying Yai Sheng Lan. The Overall Survey of the Ocean's Shores. 1433. Cambridge 1970.
• Leo Philip: Die Armada des Kaisers. in: GeoEpoche. H 8 – Das alte China., GEO, Hamburg 2000.
• Louise Levathes: When China Ruled the Seas. Simon & Schuster, New York 1994. ISBN 0-671-70158-4
• Qihuang Xie u.a.: Zhongguo shaoshu minzu lishi renwu zhi di yi ji. in: Historische Persönlichkeiten der Minderheiten-Völker Chinas. Bd 1. Beijing 1983, S. 101-105.
• Salmom, Claudine / Ptak, Roderich: Zheng He; Images & Perceptions In: South China and Maritime Asia , Volume 15, Hrsg: Ptak, Roderich /Höllmann Thomas, O. Harrasowitz Verlag, Wiesbaden, 2005
• Shusen Qiu: Zhongguo Huizu da cidian. in: Großes Lexikon der Hui-Nationalität Chinas. Nanjing 1992, S. 1018.

[dro werkln] Spekulationen über weitere Reisen vo da Schatzflotte

• Gavin Menzies: 1421. The Year China Discovered America. Bantam Press, London 2002. ISBN 0593050789
• Gavin Menzies: 1421. Als China die Welt entdeckte. Droemer, München 2003. ISBN 3-426-27306-3
• P.J. Rivers: "1421" Voyages, Fact & Fancy. Ipoh 2004.
• Robert Finlay: How (not) to rewrite World History. Gavin Menzies and the Chinese Discovery of America, Journal of World History, Vol. 15, No. 2 (2004), S.229-242 - Rezension
• W.A.R. Richardson: Gavin Menzies' cartographic fiction, the case of the Chinese 'discovery' of Australia. in: The Globe. Canberra 2004,56, 1 - 11. Vorlage:ISSN

[dro werkln] Weblinks

• Die Schiffe des Drachen: Artikel aus Die Zeit
• Rekonstruktion vo an großen Schatzschiff (chinesisch)
• QuickTime-Film über Schatzschiffe
• Les Sept Expéditions Ming de l'Amiral Zheng He, sur le site ArtsLivres.com
• Pourquoi les Chinois n'ont pas colonisé le monde plus tôt?, sur le site Novaplanet.com
• La «flotte des Trésors» largue les amarres, sur le site Herodote.net
• La longue léthargie de la Chine, sur le site du Monde

• Zhenghe (englisch)
• 1421 (Verlagswerbung zu dem Roman)
• Taipe Times: Following the wake of Zheng He
• The Society of Extreme Exploration, Taiwan
• Michael L. Bosworth: The Rise and Fall of 15th Century Chinese Seapower. 1999
• Duchesne, Ricardo (2006) Asia First? The Journal of The Historical Society 6 (1), 69-91 - Zum Aufstieg vom Westen

PND: Datensatz zu Zheng He bei der DNB

Keine Treffer im DDB-OPAC, 19. April 2007

[dro werkln] Quellen

1. ↑ ^{1,0 1,1 1,2} ZDF Expedition 01.10.2006
2. ↑ Sally K.Church: The Colossal Ships of Zheng He: Image or Reality ? (S.155-176) Zheng He; Images & Perceptions In: South China and Maritime Asia , Volume 15, Hrsg: Ptak, Roderich /Höllmann Thomas, O. Harrasowitz Verlag, Wiesbaden, (2005)

[dro werkln] Siehe auch

• Ma Huan